Шарти раҳбарияти “Умед 88” барои созиш бо “Пайк”
Раҳбарияти ширкати “Умед 88”, ки бо ҳафтаномаи “Пайк” вориди як баҳси додгоҳӣ шудааст, имрӯз, 29-уми май бо баргузории як ҳамоиш эълон кард, ки омодаи созиш бо ин нашрия мебошад.
Маҳбуба Юсупова, муовини раиси ширкати “Умед 88” изҳор дошт, ки хостори шиддати ин баҳс нестанд ва омодаи созишанд, ба шарте агар “Пайк” дар доираи талаботи қонунгузории кишвар ҷавоби онҳоро нашр кунад. Юсупова дар идомаи шартгузориҳояш илова намуд, ки инчунин “Пайк” бояд барои нашри иттилои нодуруст дар мавриди ширкати “Умед 88” узр пурсад.
Масъулини “Умед 88” таъкид карданд, ки дар ин сурат омодаанд, аз даъвояшон барои рӯёндани 60 ҳазор сомонӣ аз ҳафтаномаи “Пайк” даст кашанду аризаашонро аз додгоҳ бозпас гиранд.
Баҳси ширкати “Умед 88” бо ҳафтаномаи “Пайк” дар пайи нашри матлаби хабарнигор Шарифхони Тағоймурод зери унвони “Бозор ё Умедчик-88 хатар эҷод мекунад” сар задааст, ки 22-юми апрели соли равон чоп шудааст. Масъулини “Умед 88” ин матлабро таҳқиромез хонда, бо як ариза аз додгоҳ хостаанд, то аз муаллиф10 ҳазор ва аз нашрия 50 ҳазор сомонӣ ҷуброн рӯёнда шавад.
Ахиран як гуруҳ аз хабарнигорони минтақаи Кӯлоб вобаста ба қазияи баҳси додгоҳии ширкати “Умед-88” ва ҳафтавори “Пайк” изҳороти муштарак нашр карда, таъкид намуданд, ки суффикси русии – чик дар ягон давру замон таҳқирӣ набуд, балки суффикси навозиш аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |