30 май 2015 16:42Тоҷикистон / Дидгоҳи хос
Генерал Шарифзода: Гулмурод Ҳалимов худаш назди қонун ҷавоб диҳад
Саидмурод Ҳалимов, ки худ подполковники хизмати дохилӣ ҳаст, изҳор доштааст, ки оилаашон барои ин кирдори Гулмурод Ҳалимов худро дар ҳолати ногувор ҳис мекунад: “Ягон роҳи сафед кардани худро намедонем. Ман шахсан низ аз ҳолати ба миён омада, худро нороҳат ҳис намуда, бо гузориш ҷиҳати аз вазифаи ишғолнамуда озод намудан ва минбаъд хориҷ намудан аз мақомот ба унвони роҳбарият муроҷиат намудам. Баъди гирифтани гузориши ман ва шинос шудан, Муовини вазир – Сардори Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон генерал-лейтенант Иззатулло Шарифзода манро барои сӯҳбат таклиф намуда, аз гузориши навиштаи ман ва ҳолати мазкур пурсон гардиданд. Баъди суҳбати гузаронидашуда, Роҳбари мақомот ба ман насиҳати устодона намуда, гуфтанд, ки ҳар як шахс ба кирдори кардаи худ дар назди қонун ҷавоб мегӯяд”.
Саидмурод Ҳалимов таъкид мекунад, ки аз нақша, мақсад, кирдор ва ба гумроҳӣ рафтани бародараш Гулмурод Ҳалимов иттилое надошт ва агар ягон алоқамандияш ба кирдорҳои бародараш маълум шавад, омода аст, назди қонун ҷавоб гӯяд.
Матни пурраи номаи Саидмурод Ҳалимовро хабаргузории “ТоҷNews” нашр кардааст, ки чунин аст:
“Нома аз номи бародари собиқ қумондони ДТММ (ОМОН)-и ВКД ҶТ полковник Гулмурод Ҳалимов
Ман подполковники хизмати дохилӣ Ҳалимов Саидмурод Салимович бародари қумандони ДТММ (ОМОН)-и ВКД ҶТ полковник Ҳалимов Гулмурод Салимович мебошам.
Ман аз моҳи майи соли 1995 то инҷониб дар вазифаҳои гуногуни мақомоти ҷазои ҷиноятӣ кору фаъолият намуда истодаам.
Ман охирҳои моҳи апрели соли ҷорӣ дар вақти адои хизмат аз баъзе овозаҳо оид ба бедарак гардидани бародарам Гулмурод Ҳалимов бохабар гардида, ба ташвиш омадам ва барои аниқ муайян намудани ин ҳолат аз хонаводаи бародарам ва аҳли оилаамон пурсон шудам, ки касе аз ин ҳолат ва дар куҷо будани ӯ хабаре надоранд. Баъдан, овозаҳое паҳн гардиданд, ки гӯиё ӯ сафар ба давлати Сурия намуда бошаду ба гурӯҳҳои ифротгароӣ ҳамроҳ шуда бошад. Аз ин овозаҳо ман шахсан ва аҳли оилаи мо сахт ба ташвиш омада, бовар намекардем, чунки шароити оилавии ӯ хуб буда, аз ҷиҳати иқтисодӣ танқисӣ надоштанд. Хонаи истиқоматии алоҳида, воситаи нақлиёт, аҳли оилаи хуб ва обрӯву эътибор низ дар ҷамъият дошт. Баъдан баъди паҳн гардидани навори видеои бо иштироки бародарам Гулмурод Ҳалимов ба ҳайрат омада, чи кор кардани худ ва чи тавр ба падари пиронсолам фаҳмонданро надонистам. Ман аз ин роҳи пешгирифтаи бародарам ягон хабаре надошта, ба чи восита қабул намудан, бо кадом роҳ рафтан ва ё бо маслиҳати кадом шахсон ба ин гумроҳӣ рафтани ӯро намедонам ва ҳеч гоҳ ӯро чунин қабул намекунам ва роҳи пешгирифтаи ӯро қатъиян маҳкум менамоям. Ман ва аҳли оилаи мо аз чунин кирдори ӯ дар назди хешовандон ва ҷамъият худро дар ҳолатҳои ногувор ҳис намуда, дигар ягон роҳи сафед кардани худро намедонем.
Бинобар ин ман шахсан низ аз ҳолати ба миён омада, худро нороҳат ҳис намуда бо гузориш ҷиҳати аз вазифаи ишғолнамуда озод намудан ва минбаъд хориҷ намудан аз мақомот ба унвони роҳбарият муроҷиат намудам. Баъди гирифтани гузориши ман ва шинос шудан, Муовини вазир – Сардори Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон генерал-лейтенант Иззатулло Шарифзода манро барои сӯҳбат таклиф намуда, аз гузориши навиштаи ман ва ҳолати мазкур пурсон гардиданд. Баъди сӯҳбати гузаронидашуда, Роҳбари мақомот ба ман насиҳати устодона намуда, гуфтанд, ки ҳар як шахс ба кирдори кардаи худ дар назди қонун ҷавоб мегӯяд.
Бинобар ин роҳбари мақомот ба ман барои идома додани иҷрои вазифаҳои хизматии худ дастур дода, барои содиқ будан ба Ватани азизамон Тоҷикистон ҳидоят намуданд.
Ман ва аҳли оилаи мо аз бародари худ Гулмурод Ҳалимов хоҳиш менамудем, ки аз ин роҳи пешгирифтаи худ даст кашида, фикри оила, фарзандон ва падари пиронсоли худро намуда ба Ватани худ баргардад ва аз пушаймонии худ дар назди қонун ҷавоб гӯяд. Бинобар ин ман бори дигар гуфтанӣ ҳастам, ки аз нақша, мақсад, кирдор ва ба гумроҳӣ рафтани бародарам Гулмурод Ҳалимов ягон зарра хабаре надоштам ва чунин кирдорро қатъиян маҳкум медонам ва ҳам омода ҳастам, ки дар ҳолати муайян гардидани ягон алоқамандӣ бо кирдори бародарам дар назди қонун ҷавобгӯй бошам.
Саидмурод Ҳалимов, 29.05.2015 сол”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
