Ду ҷаласаи вазирони дифои СПАД ва ИДМ дар як ҳафта
Душанбе мизбони ҷаласаи Шӯрои вазирони дифои кишварҳои узви Созмони паймони амнияти дастаҷамъӣ хоҳад буд, ки 2-4 июн баргузор мешавад. Ба иттилои дафтари матбуоти Вазорати дифои Тоҷикистон дар ин ҷаласа вазирони дифои СПАД масоили таъмини амниятии марбут ба марзҳои ҷанубии созмон вобаста ба шиддат гирифтани вазъи низомию сиёсӣ дар Афғонистон ва кишварҳои Шарқи Наздик баррасӣ хоҳанд кард.
Ҳамчунин гуфта мешавад, ки дар назар аст вазирони дифоъи СПАД-ро Эмомалӣ Раҳмон, президенти Тоҷикистон ба ҳузур бипазирад.
Вазирони дифои давлатҳои узви Иттиҳоди Давлатҳои Мустақил давоми ҳамин ҳафта дар шаҳри Чолпо-Атои Қирғизистон барои баррасии чорабиниҳои муштараки қувваҳои мусаллаҳи кишварҳои худ дар соли 2016 гирди ҳам меоянд.
Дар ин нишаст баррасии вазъи амниятии парвозҳо дар артиши кишварҳои ИДМ, масоили бунёдии ташкилии ҳамкориҳо дар умури омода кардани кадрҳо дар соҳаи безарар кардани минаҳо ва таҳқиқиоти мушкилоти метрологияи ҳарбӣ ва таъминоти метропологии неруҳои мусаллаҳи ин кишварҳо ҳам дар назар аст, хабар медиҳад Кумитаи иҷроияи ИДМ.
Ҳамчунин вазирони дифои ИДМ масоили беҳбуди амалкардҳои низоми ягонаи шиносоии давлатии родорӣ ва итилоърасонии мутақобил дар мавриди тағйироти шароити радиатсионӣ, кимиёӣ ва биологиро арзёбӣ мекунанд.
Дар баробари натиҷагирӣ аз Олимпиадаи байналмилалии курсантҳои макотиби олии икшварҳои узв, ки моҳи март-майи соли ҷорӣ баргузор шуд, қабули якчанд санади марбут ба масоили молӣ ва кадрӣ низ дар назар аст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |