Бо истифода аз обе, ки дар фасли гармои имсола бе коркарди барқ аз обанборҳои Тоҷикистон партофта шудааст, имкон дошт, ҳудуди 4 миллиард киловатт соат қувваи барқ истеҳол гардад.
Дар ин бора ба хабаргузории «Озодагон» аз як ниҳоди марбут ба гидроэнергетикаи Тоҷикистон иттилоъ доданд. Ба гуфтаи манбаъ, дар сурати фурӯши ин миқдор барқи тоҷик ба хориҷа, ки айни ҳол 3,5 сент сари ҳар киловатт нарх дорад, Тоҷикистон 140 миллион доллари амрикоӣ ба даст меовард. Сабаби нафурӯхтани барқи барзиёдро масъулини энергетикаи кишвар дар набудани хати интиқоли барқ арзёбӣ мекунанд.Тобистони соли гузашта ҳаҷми барқи барзиёд, ки нофурӯхта монда буд, 5 миллиард киловатт соатро ташкил дод. Бо назардошти нархҳои тобистони соли гузашта, Тоҷикистон 155 миллион доллари амрикоиро аз даст дода буд.{jathumbnail off}
Мӯҳр