Паҳлавони тоҷик қаҳрамони секаратаи Осиё шуд
Дилшод Назаров, гурзандози номовари тоҷик дар сабқати қаҳрамонии Осиё мақоми авалро касб намуд. Ин мусобиқа дар шаҳри Ухани Чин ҷараён дошта, Дилшод гурзро 77 метру 88 сантиметр ҳаво додааст, ки натиҷаи беҳтарин аст. Варзишгари тоҷик дар гузашта ҳам ду маротиба унвони қаҳрамони Осиёро соҳиб шудааст.
Дилшод Назаров аввалин варзишгари тоҷик аст, ки ба Бозиҳои олимпии соли 2016 ( Рио-де-Жанейро) роҳхат гирифт. Ӯ дар мусобиқаи анъанавии ҷаҳонии силсилаи Гран-При “Оstrava golden spike” оид ба гурзандозӣ дар Чехия бо натиҷаи 79,36 метр мақоми дувумро касб кард ва соҳиби роҳхат ба олимпиадаи Бразилия шуд.
Инчунин, Дилшод дар мусобиқаи қаҳрамонии ҷаҳон, ки қарор аст моҳи августи соли равон дар Пекин баргузор шавад, иштирок мекунад.
Дилшод Назаров моҳи январи соли 2014 муовини раиси Кумитаи ҷавонон, варзиш ва сайёҳии Тоҷикистон таъин шуда, ҳамзамон раиси Федератсияи варзиши сабуки Тоҷикистон мебошад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |