05 июн 2015 10:00Тоҷикистон / Сиёсат

Нигаронии Э.Раҳмон аз шиддат гирифтани авзои иҷтимоию сиёсӣ дар кишварҳои мусалмонӣ

Эмомалӣ Раҳмон, раисиҷумҳури Тоҷикистон имрӯз, 5 июн вазирони корҳои дохилӣ ва амнияти ҷамъиятии давлатҳои аъзои Созмони ҳамкории Шанхайро, ки барои иштирок дар ҳамоиши навбатии ин созмон ба Душанбе ташриф овардаанд, ба ҳузур пазируфт.

Тибқи иттилои дафтари матбуотии раисиҷумҳури Тоҷикистон, дар мулоқот масоили вобаста ба муборизаи муштарак бо ҷинояту ҷинояткорӣ, хусусан ҷиноятҳои созмонёфтаи фаромиллӣ, ба мисли терроризму ифротгароӣ, гардиши ғайриқонунии маводи мухаддир ва ҷиноятҳои иттилоотӣ дар фазои кибернетикӣ баррасӣ шудааст.

Манбаъ мегӯяд, Эмомалӣ Раҳмон аз шиддат гирифтани авзои иҷтимоию сиёсӣ дар кишварҳои гуногуни ҷаҳон, аз ҷумла дар Афғонистон ва як қатор давлатҳои мусулмонӣ ва таъсири манфии чунин вазъият ба минтақаи мо, изҳори нигаронӣ карда, таъкид доштааст, “сохторҳои дахлдори давлатҳои аъзои Созмони ҳамкории Шанхай барои дарёфти роҳҳои пешгирӣ аз хатарҳои эҳтимолӣ ва муборизаи беамон бо зуҳуроти он бояд пайваста ҷаҳду талош дошта бошанд”.

Раисиҷумҳури кишвар гуфтааст, Тоҷикистон паёмадҳои ифротгароию терроризми сиёсиро ҳанӯз солҳои 90-уми асри гузашта аз сар гузарондааст ва мардуми кишвар даҳшатҳои чунин зиддиятҳои хунинро хуб дар хотир доранд ва имрӯз барои нигоҳ доштани суботи сиёсӣ ва таъмини рушди бонизоми иҷтимоию иқтисодӣ аз тамоми имкону захираҳо бояд пурсамар истифода бурда шавад.

Дар ин мулоқот ҷонибиҳо изҳори боварӣ намудаанд, ки натиҷаҳои ҳамоиши навбатии Шӯрои вазирони корҳои дохилӣ ва амнияти ҷамъиятии давлатҳои аъзои Созмони ҳамкории Шанхай дар Душанбе ба таҳким ва густариши минбаъдаи заминаи қарордодию ҳуқуқии ҳамгироӣ барои таъмини сулҳу амният дар минтақа ва ҷаҳон мусоидат мекунад.

Мӯҳр

Хабарҳои монанд:

точик

Сабабгори асосии шиддат гирифтани авзои сиёси ва ичтимоии кишвархои исломи, хукуматхо ва рахбарони диктатори ин кишвархо хастанд ва худашон иш шиддатро ба вучд овардаанд, агар хар президент сари вакт аз мансаб раваду дар гирди худаш хешутаборашро чамъ накунад авзоъ шиддат намеёбад.

Ҷавоб диҳед Иқтибос Шикоят

тачрибаи зиндаги

Имруз барои нигох доштани суботи сиёси ва таъмини рушди бонизоми ичтимоию иктисодии аз таоми захирахо истифода бояд кард. Бисёр суханони ояндасоз. Пештар мо солхои 90ум мо суботи сиёсииро нигох медоштем, хоир ваъзи ичтимою иктисодии чумхури тамоман дар дигар сатх буд. Бо хама тазодхои хаёти чаъмияти мо мардум ва давлатро зарураст, ки дар ин масъла хушёр бошад. Давлатро зарур аст фард ё гурухе аз дохили давлат барои манфиатхои шахсии ё гурухии худ дар назар дуст вале дар вучуд душман ё аз нодони, ё ах манфиати шахси ё аз манфиати душмани ба давлат душман тавлид накунанд. Агар инро дуст ва аблахони беандеша кунанд хизмати хирсона аст ва душман кунад вазифаи чонии худро ирочро мекунад. Ончизеро дусти нодон мекунад, аз кардани он душмани доно очизаст. Мардумро зарур аст, ки бо хама каму беши зиндаги хуну пусти худро шинохта , фирефтаи андешаи захрноки душман нашавад.

Ҷавоб диҳед Иқтибос Шикоят

Озар

Трусхо агар метарсен лишно ягон макола барои воломакомхо чоп накунед. Ман хаёл кардам, ки дар шумо демократия хаст. Хайфи шумо. Агар тариф кунан чоп мекнед агар не, не. Чукида шинед.

Ҷавоб диҳед Иқтибос Шикоят

Пулод

Хохед ки ороми шавад бояд аз махалгарои ва хешу таборчиги даст кашид

Ҷавоб диҳед Иқтибос Шикоят

Эзоҳ илова кунед