Айби Шамсиевҳо: 600 000 $-и узви Шӯрои назди президентро аз худ кардаанд
Мақомоти Тоҷикистон падару писар-Алишер ва Парвиз Шамсиевҳоро, ки аз боздошти дуюмияш “Озодагон” ҳафтаи гузашта иттилоъ дод, дар он айбдор мекунанд, ки гӯиё 600 ҳазор доллари Саймуддинов Музаффар, соҳибкор ва узви Шӯрои машваратии назди президенти Тоҷикистонро аз худ кардаанд.
Манобеи “Озодагон” ҳафтаи гузашта иттилоъ доданд, ки Парвиз Шамсиев, шаҳрванди 22-солаи Тоҷикистон бо дархости мақомоти тоҷик аз ҷониби Интерпол дар штати Вирҷинияи Иёлоти муттаҳидаи Амрико боздошт шудааст. Дар эълоне, ки сомонаи “Интерпол” дар бораи падару писар-Шамсиевҳо нашр кардааст, гуфта мешавад, Парвиз Шамсиев, зодаи шаҳри Душанбе, 22 сол дошта, донандаи забонҳои тоҷикӣ, русӣ ва англисӣ мебошад. Ӯ аз ҷониби мақомоти тоҷик дар қаллобӣ муттаҳам мешавад. Инчунин Алишер Шамсиеви 49-сола, падари Парвиз низ бо иттиҳоми қаллобӣ дар кофтукоби байналмилалӣ қарор дорад.
Мақомоти умури дохилии Тоҷикистон мегӯянд, падару писар дар Душанбе 600 ҳазор доллари Саймуддинов Музаффар, раиси ширкати сайёҳии “Кафолат”-ро аз худ кардаанд.
Тибқи иттилоияи ин ниҳод, ки қаблан нашр кард, кормандони Раёсати кофтукови ҷиноии Вазорати умури дохилӣ муайян кардаанд, ки шаҳрвандон Шамсиев Алишер Абдумутолибович, соли таваллудаш 1965 ва Шамсиев Парвиз Алишерович соли таваллудаш 1992, сокинони кӯчаи Шамсии пойтахт, бо мақсади ба даст овардани даромади муфт мардумфиребӣ мекардаанд.
Манбаъ афзуд Шамсиевҳо давоми солҳои 2010-2013 бо роҳи фиреб ба боварии шаҳрванд Саймуддинов Музаффар Муҳриддинович соли таваллудаш 1965, сокини кӯчаи Самарқанди ноҳияи Исмоили Сомонӣ даромада, аз ӯ 600000-доллари амрикоиро гирифта, ваъда додаанд, ки бар ивазаш ба номи ӯ суратҳисоб кушода медиҳанд: “Аммо ваъдаашонро иҷро накардаанд.”
Саймиддинов Музаффар, ки ба иттилои ВКД мавриди фиреб қарор гирифтааст, узви Шӯрои машваратии назди президент оид ба беҳтар кардани фазои сармоягузорӣ аст, ки бахши хусусии Тоҷикистонро муаррифӣ мекунад. Ӯ инчунин роҳбарии ширкати сайёҳии “Кафолат”-ро ба уҳда доштааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |