Омӯзиши усулҳои нави коҳиши талабот ба маводи нашъадор миёни наврасону ҷавонон
Академияи миллии олимпии Тоҷикистон дар ҳамкорӣ бо Агентии назорати маводи нашъаовари кишвар ва бо дастгирии фаннии Донишкадаи миллии эътилофҳои ҷамъиятии Амрико дар мубориза алайҳи нашъамандӣ (CADCA) оид ба пешгирии нашъамандӣ, истеъмоли машрубот ва маҳсулоти тамоку дар ноҳияи Шӯроободи вилояти Хатлон ва шаҳри Турсунзода машваратҳои дурӯзаи таълимӣ баргузор кардааст.
Умеда Юсупова, сухангӯи Академияи миллии олимпии Тоҷикистон ба “Озодагон” гуфт, дар курсҳои омӯзишии мазкур намояндагони мақомоти иҷроияии маҳалии ҳокимияти давлатӣ, идораҳои давлатӣ ва ташкилотҳои ҷамъиятӣ, кормандони мақомоти ҳифзи ҳуқуқ, кумитаи дин ва намояндагони воситаҳои ахбори омма ширкат варзиданд: “Ба иштирокчиён оид ба вазъи нашъамандӣ дар мамлакат ва шаҳру ноҳияи мазкур маълумот дода шуд, инчунин онҳо стратегияҳои асосии Шӯроҳои ҳамоҳангсозиро муайян намуда, дар бораи усулҳои нав дар фаъолияти корӣ оид ба паст намудани талабот ба истеъмоли маводи нашъадор дар байни наврасон ва ҷавонон ва пешгирии он хабардор шуданд”.
Манбаъ мегӯяд, чунин давраҳои омӯзишӣ дар шаҳри Хоруғи вилояти Бадахшон низ баргузор хоҳад шуд: “Давраи дуввуми машваратњои мазкур дар охири моҳи июн ва аввали маоҳи июли соли ҷорӣ гузаронида мешавад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |