Мусоҳибаи 10 сол пеши полковник Ҳалимов: Бигзор ҳамеша дар Ватан тинҷиву амонӣ бошад!
Ин мусоҳибаро, ки соли 2005 нашрияи “Сипар” чоп кард, ахиран, рӯзномаи “ИмрӯзНюс” бознашр намудааст. Гулмурод Ҳалимов, ки он вақт фармондеҳи ротаи дуюми таъиноти махсус ва унвонаш майори милитсия буд, дар посух ба суоли “Аз иштирокатон дар муборизаҳои дохилӣ пушаймонед ё не?” чунин посух додааст: “Не! Мо муқобили афроде размидем, ки ҳадафашон густариш додани ҷинояту олами ҷиноӣ буд, на тараққӣ додани Ватану иқтисоди он”.
Дар идома аз ӯ суол шуда, ки ҳолати фаромӯшнашуданиеро аз он рӯзҳо, ки ҳамеша ва дар ҳама ҳол ба хотир меояд, нақл кунад. Ҳалимов гуфтааст: “Кофарниҳон, 24-уми марти 1998, ки дар ин ҷо 9 нафар ҳамяроқони мо ҳалок ва 10 нафар маҷрӯҳ шуданд. Албатта, ҷанг бе қурбонӣ намешавад, вале мумкин буд, ки онҳо намиранд. Онҳо барои халосии теъдоде аз мардуми кишвар, барои озод кардани як гуруҳи асирафтодагон ҷони худро шарофатмандона аз даст доданд. Ман ҳамеша пеши арвоҳи эшон сари таъзим фуруд меорам, онҳо ҳамеша дар хотири ману ҳамяроқонам зиндаву ҷовиданд”.
Хабарнигор дар идома мепурсад: “Хуб, аз мушкилоте ҳарф занед, ки садди роҳи фаъолияти отряд ҳастанд?”
Гулмород Ҳалимов: “Қабл аз ҳама бояд ба Роҳбарияти ВКД изҳори сипос намоям, ки моро барои такмили ихтисос ба кишварҳои зиёде фиристоданд. Ман гуфта метавонам, ки отряди мо бо боварии комил аз уҳдаи ҳамагуна супоришҳои оҷилӣ ва хатарнок бо сарбаландӣ баромада метавонад. Отряди мо ба воқеъ мактаби мардонагӣ ва нишондиҳандаи асолати мардист! Ман ифтихор мекунам, ки дар ин отряд ҳастам. Мушкилоти ҷузъиро аллакай шумо медонед. Дигар аз чи бояд гила кунем?”
Идомаи суолу ҷавоб чунин сурат гирифтааст:
-Шумо дар ҳайати як гуруҳ дар ИМА барои омӯзиши касбӣ рафтед. Ҳамин тавр?
Гулмород Ҳалимов: -Бале.
-Чиро омӯхтед?
Гулмород Ҳалимов: - Тамоми нозукиҳои мубориза алайҳи сахтарин ҷиноятҳо, аз қабили гаравгонгирӣ, холӣ кардани иншоотҳову иморатҳои муҳим аз гуруҳҳои террористӣ ва амсоли инҳоро.
-Ончиро ки омӯхтед, ба зердастони худ омӯзонида метавонед?
Гулмород Ҳалимов: -Мушкили мо дар ҳамин аст, ки наметавонем ончиро ки худ ба пуррагӣ омӯхтаем, ба зердастон омӯзиш диҳем.
-Чаро?
Гулмород Ҳалимов: -Ончи дар Амрико омӯхтам дар ин ҷо ба бачаҳо дода наметавонам. Зеро мо иморати махсуси озодкунӣ аз гаравгонгириҳо ва дигар роҳҳои пешгирии ҷиноятро надорем. Як иморати мувофиқ барои ин амр дар Фахробод мавҷуд аст, ки он дар ихтиёри Вазорати мудофиа ҳаст ва моро лозим меояд, ки ҳар бор хаттӣ аз онҳо иҷозат гирем. Ғайр аз ин, шароит имкон намедиҳад, ки ҳар бор мо ба Фахробод равем.
-Хуб, чи бояд кард?
Гулмород Ҳалимов: -Агар дар ояндаҳо имкон мебуду дар ҷои ҳозирае, ки мо машқи тирпаронӣ анҷом медиҳем, чунин иморатро месохтанд, барои мо хуб мебуд.
-Шумо чи гуна иморатро дар назар доред?
Гулмород Ҳалимов: -Барои омӯзонидани зердастон иморати чандошёнае лозим аст, ки дар дохили он роҳҳои мубориза алайҳи гаравгонгирӣ, озодкунии бино ба бачаҳо омӯзонида шавад. Табиист, ки “амалиёт” аз атрофи бино шурӯъ мешавад ва дар дохили он сурат мегирад. Назоратгари “воқеа” бояд аз болои бом ба “амалиёт” назорат кунад, камбудиҳоро ислоҳ намояд...
-Чун алҳол чунин иморат нест ва сохтанаш низ маблағи ҳангуфтеро мехоҳад, шумо машқҳоро дар куҷо мегузаронед?
Гулмород Ҳалимов: -Иншоотҳои дигар низ ҳастанд, ки бовар кунед, аллакай тамоми бару бораи онро омӯхтаем. Танҳо мушкилие, ки ҳаст аз нигоҳи ман ҳамин аст, яъне, мо бояд шароитеро дошта бошем, ки битавонем ҳамарӯза машқ кунем ва дар ҳама ҳол омода бошем.
-Зарурати омодабоши ҳамешагӣ мавҷуд аст?
Гулмород Ҳалимов: -Бале, омодабоши ҳамешагӣ барои дифоъи марзу буми кишвар ҳатмист ва мо хушбахтона, новобаста аз ин мушкилоти ҷузъӣ омода ҳастем!
-Орзуи Шумо?
Гулмород Ҳалимов: -Ончиро ки мо фаро гирифтаву ҳамарӯза чун “машқ” анҷом медиҳем, бигзор ҳамеша “машқ” бошад, бигзор ба касби мо, яъне озодкунӣ аз дастаи ҷинояткор ё тахрибкор эҳтиёҷ набошад. Ин маънои онро дорад, ки бигзор ҳамеша дар Ватан тинҷиву амонӣ бошад!
Гулмурод Ҳалимов, ки тайи се соли охир вазифаи сардори Дастаи таъйиноти махсуси Вазорати корҳои дохилии Тоҷикистонро ба уҳда дошт, соли гузашта бо фармони вазир унвони полковникиро гирифт. Як моҳ пештар хабари бедарак шудани ӯ расонаӣ гардид ва ахиран ин фармондеҳи 40-сола дар гузориши видеоие эълон кард, ба созмони “Давлати исломӣ” пайвастааст. Мақомоти Тоҷикистон мегӯянд, қазияро пайгирӣ доранд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
