Баъд аз тарҳи нокоми телевизиони муштарак. Ҷавонон радио таъсис доданд
Гуруҳе аз ҷавонони Тоҷикистон, Эрон ва Афғонистон ба хотири эҷоди пайвастагии бештари фарҳангӣ миёни ин се кишвари ҳамзабон радиоеро бо номи “Родиюи пул” таъсис додаанд.
Ин ҷавонон изҳор медоранд, бояд ба ҷойи тазодҳо аз муштаракот бештар бигӯем. Ба қавли гардонандагони ин радио, “ҳамеша аз бадиҳо шунидаем. Аз зулме, ки фалонӣ эронӣ ба ҳаққи муҳоҷири афғонистонӣ кард. Аз замзамаҳои душмании Афғонистон бо Эрон, аз Тоҷикистоне, ки пок фаромӯш кардем. Аммо, мо омодаем, ки дигаргуна бигӯем. Бигӯем мо насле нестем, ки ба муҳоҷири ҳамватани мо зулм раво дорем. Насле нестем, ки обро аз ҳамзабонамон дареғ кунем. Насле нестем, ки Самарқанду Бухоро ёдамон биравад. Омодаем то аз хубӣ ва зебоӣ бигӯем. Мо насле ҳастем, ки ба “бемарзии муштарак” меандешем”.
Мусадиқ Порсо, яке аз гардонандагони ин радио ба “DW” гуфтааст, ҳадафи онҳо ироа кардани муҳтавое аст, ки барои ҳавзаи тамадунии Эрону Афғонистону Тоҷикистон ҷолиб бошад: “Ба хотири марзҳои сиёсӣ ва талоши бархе аз сиёсатмадорон муштаракоти байни мо камранг шудааст. Садои муштараки мо дар “Родиюи пул” қасд дорад, ба беҳбуди зиндагии ҳар кадом мардуми ин се кишвар, ки дорои муштаракоти бисёре ҳастанд, кумак кунанд”.
Таъсиси “Родиюи пул” аз сӯи ҷавонони тоҷику афғон ва эронӣ дар ҳолест, ки тасмими роҳандозии як телевизиони муштараки форсизабонҳо аз ҷониби раҳбарони Тоҷикистон, Эрон ва Афғонистон нуҳ сол аст амалӣ намешавад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |