Раҳмонзода: Бегонапарастию ифротгароӣ дар Бадахшон кам аст, аммо...
Абдуҷаббор Раҳмонзода, ёрдамчии раисиҷумҳури Тоҷикистон оид ба рушди иҷтимоӣ ва робита бо ҷомеа ҳамроҳ бо Марҳабо Ҷабборӣ, муовини сарвазири кишвар дар садри як гуруҳи ҳукуматӣ ба Бадахшон сафари корӣ доштаанд.
Абдуҷаббор Раҳмонзода, дар машварат бо иштироки намояндагони тамоми сохторҳои Бадахшон таъкид намудааст, ки шомилшавии ҷавонони Бадахшон ба гурӯҳҳои ифротии хориҷи кишвар ва фарҳанги бегона нисбат ба дигар манотиқи кишвар кам ба назар мерасад, вале аз ин набояд хотирҷамъ шуд.
Ёрдамчии раисиҷумҳур аз масъулини ҳукумати Бадахшон тақозо намудааст, ки “ҳарчи бештар миёни мардум бошанд, сиёсати созандаю бунёдкорона ва ваҳдатофари президент, дастовардҳои даврони истиқлолиятро ба фаҳми ҳар сокини вилоят ва бахусус ҷавонон бирасонанд”.
Марҳабо Ҷабборӣ дар мулоқот бо масъулини Бадахшон гуфтааст, воқеан, дар қаламрави вилоят корҳои зиёди ободонию созандагӣ ба анҷом расидаанд, аммо мушкилиҳо ҳалнашуда низ кам нестанд: “Аз ҷумла камбудиҳо дар соҳаҳои маориф ва тандурустӣ зиёданд ва мо бояд корҳои иҷронашударо мавриди таҳлилу баррасӣ қарор диҳем ва барои ҳалли онҳо корҳои амалиро пиёда созем”.
Сафари гуруҳи ҳукуматӣ ба Бадахшон дар ҳоле сурат гирифт, ки дар назар аст рӯзҳои наздик Эмомалӣ Раҳмон, раисиҷумҳури Тоҷикистон низ аз ин вилоят боздид кунад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |