Генерал Раҳмоналӣ: Дар назди сарҳади Тоҷикистон 1500 ҷангӣ ҷамъ шудаанд
Генерал Раҷабалӣ Раҳмоналӣ, фармондеҳи қушунҳои сарҳадӣ ва муовини аввали раиси Кумитаи давлатии амнияти миллии Тоҷикистон, имрӯз, 18-уми июн аз таҷаммӯи беш 1500 ҷангӣ дар наздикии сарҳади кишвари мо иттилоъ дод.
Генерал Раҷабалӣ Раҳмоналӣ дар доираи ҷаласаи 73 -юми Шӯрои фармондеҳони Қӯшунҳои сарҳадии давлатҳои узви ИДМ, ки феълан дар Душанбе ҷараён дорад, изҳор дошт, ки ин ҷангиён дар навоҳии наздисарҳадии Афғонистону Тоҷикистон бо нерӯҳои ҳукуматии афғон меҷанганд: “Тибқи иттилои фаврӣ ҷангиён асосан ба Толибон, Ҳаракати исломии Узбакистон, Ал қоида ва Ансоруллоҳ тааллуқ дошта, дар навоҳии Дашти Арчӣ, Имом Соҳиб ва Қундуз ҷамъ омадаанд”.
Генерали тоҷик шиддат ёфтани авзоъ дар навоҳии шимолии Афғонистон, аз ҷумла Таҳор, Қундуз ва Бадахшонро, ки аз моҳи апрел инҷониб дар он ҷо амалиётҳои ҷангӣ сурат мегиранд, мояи нигаронӣ хонд.
Дар доираи ҷаласаи 73 -юми Шӯрои фармондеҳони Қӯшунҳои сарҳадии давлатҳои узви ИДМ 19-ум июн дар назар аст, ки раҳбарони мақомоти марзбонии кишварҳои ИДМ аз марзи Тоҷикистон бо Афғонистон боздид кунанд. Дар ҷаласа раҳбарони мақомоти марзбонии Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон, Туркманистон, Узбакистон ва Афғонистон иштирок доранд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |