Боздошти раиси анбори пойгоҳи Русия дар фурудгоҳи Душанбе
Сергей Степанов, раҳбари анбори пойгоҳи низомии Русия дар шаҳри Канти Қирғизистон, бо иттиҳоми дуздии сӯзишворӣ дар фурудгоҳи шаҳри Душанбе боздошт шуда, феълан дар СИЗО-и рақами 1-и пойтахти Тоҷикистон қарор дорад.
Алексей Мезенсев, вакили мудофеи Сергей Степанов аз он изҳори норозигӣ мекунад, ки зерҳимояаш моҳи апрел, ҳангоми сафари хидматияш ба Тоҷикистон, дар фурудгоҳ боздошт шуда, бо қарори додгоҳи низомии Русия дар боздоштгоҳи мувақатии Душанбе нигаҳдорӣ мешавад. Степанов дар он айбдор мешавад, ки ҳангоми фаъолияташ дар Кант ба дуздии сӯзишворӣ даст задааст.
Аммо вакили дифои ӯ дар суҳбат бо расонаҳои Русия гуфтааст, ки зерҳимояаш “ба мақомоти ҳифзи ҳуқуқи кишвари дигар”дода шуд: “Ба ин хотир моддаи 7-уми қонуни федералӣ “Дар бораи боздошти гумонбарон ва мутаҳмон” нақз шудааст. Ба ибораи дигар СИЗО-и рақами 1-и шаҳри Душанбе барои нигаҳдории шаҳрвандони Русия мувофиқ нест ва мувофиқи кодекси ҷиноятии Русия сарбозони гумонбар ва мутаҳҳам бояд дар “гауптвахт” нигаҳдорӣ шаванд”.
Ин вакили мудофеъ, инчунин зикр кардааст, ки мувофиқи қарордод миёни Тоҷикитон ва Русия дар бораи мақом ва шартҳои пойгоҳи низомии Русия дар Тоҷикистон ҳайати шахсии ин пойгоҳ дахлнопазиранд.
Аммо раҳбари маркази ҳифзи ҳуқуқи “Афсарони Русия” Сергей Ермаленко дар суҳбат бо “Московский комсомолец” гуфтааст, ки агар дар ҳудуди қисми низомӣ “гаупвахт” набошад, дар боздоштгоҳ нигоҳ доштани Степанов дуруст аст. Аммо вакили мудофеи Степанов гуфтааст, ки “агар уро дар камераи танҳо мегузоштанд ҷойе барои баҳс намебуд. Вале, ӯро дар камера бо 15 нафар тоҷик ҷой кардаанд, ки онҳо ӯро ба қабул кардани дини Ислом даъват мекунанд. Инчунин мунтазам маъмурини боздоштгоҳ ба ҷои нигоҳдории маҳбусон ворид шуда, ба задани ҳамаи бошандагон бо чӯбдастҳо оғоз мекунанд. Маъмурин бо забони тоҷикӣ суҳбат мекунанд, ки зерҳимояам забони онҳоро намефаҳмад ва ҳатто намедонад, ки барои чӣ ӯро латукӯб мекунанд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |