24 июн 2015 10:13Тоҷикистон / Сиёсат

Freedom House: Тоҷикистон авторитарист, аммо аз Русия демократитар

Созмони “Freedom House” ё Хонаи Озодӣ бо нашри як гузориши ҷадид Тоҷикистонро авторитарӣ хонда, афзудааст, ки бо вуҷуди ақибравии равандҳои демократӣ тайи 4 соли охир дар Тоҷикистон, ин кишвар ҳанӯз ҳам аз нигоҳи демократӣ аз Русия, Қазоқистон, Туркманистон ва Узбакистон пешсаф аст.

“Freedom House” гузориши ҷадидаш “Кишварҳои давраи гузариш-2015” авзои 29 кишвари Урупои Марказӣ ва Осиёи Марказиро ба таҳлил кашидааст, ки тибқи он Тоҷикистон дар Осиёи Марказӣ танҳо аз Қирғизистон ақиб мондааст.

Ин ниҳоди ҷаҳонии ҳифзи ҳуқуқ вазъияти ҳар кишварро бар бунёди ҳафт шохиси калидӣ, аз ҷумла вазъияти раванди интихобот, мавқеияти ҷомеаи маданӣ, сатҳи истиқлоли расонаҳо, сатҳи фасод, кайфияти (сифат) мудирият ва ғайра таҳлил кардааст. Баҳогузории ин гузориш аз рӯи дараҷаи 7 балла сурат гирифтааст, ки 7 нишондиҳандаи бадтарин маҳсуб мешавад.

Ба ин тартиб, Тоҷикстон дар ин ҷадвал соҳиби – 6,39 бал гардида таъкид шудааст, ки дар ин кишвар вазъияти раванди интихобот ва мавқеияти ҷомеаи маданӣ дучори пасрафт шудааст. Кишварҳои дигари Осиёи Марказӣ Қирғизистон 5,93, Қазоқистон 6,61, Туркманистон ва Узбакистон соҳиби 6,93 соҳиби бал гардидаанд.

Дар гузориш таъкид шудааст, ки “раҳбарони иқтидоргарои ба истилоҳ пуштибони демократия, тактикаҳои саркӯбкунандаи худро ба як равиш дароварданд ва аз сиёсати фарогир худдорӣ кардаанд”.

Нахустин бор чунин гузориш 20 сол қабл нашр шудааст, ки он замон танҳо 3 кишвар Белорусия, Туркманистон ва Узбакистон “режимҳои собитшудаи иқтидоргаро” дониста шудаанд. Аммо, ба гуфтаи муаллифони ин гузориш, аз он замон вазъият бадтар шудааст. Теъдоди режимҳои монанд ба 3 кишвари боло 2 баробар зиёд шудааст. Ба ҳисоби “Freedom House” имрӯз дар минтақаи Авруосиё 13 кишвари демократӣ, 6 кишвар дар ҳоли гузариш ва 10 кишвари иқтидоргаро мавҷуд аст. Ин созмон ба қатори кишварҳои авторитарӣ аз ҷумла Тоҷикистон, Русия, Қазоқистон, Белорусия, Озарбойҷон, Туркманистон ва Узбакистонро ворид кардааст.

Мӯҳр

Хабарҳои монанд:

хайрон

ман дар тахлилхои хамин ниход чахони хайрон, демократия гуфта чиро дар назар дошта бошанд. Инхо хамон занакхои танфурушро ба ёд меоранд, ки аз руй муносибати хамдигари хар руз аз як муносибати нохуб тез фикру акидаи худро дигар менамоянд. Як бор бахсу музокиротхоро дар симохои Русия байни шахсони гуногун андеша тамошо карда мебини-ку чй хел сатхи демократияи он аз мо пастар будааст, хело хандондед.

Ҷавоб диҳед Иқтибос Шикоят

хайронам

хандовар

Ҷавоб диҳед Иқтибос Шикоят

Даврон

Хамаи ин пешравихову озодихо аз шарофати президенти мухтарами кишварамон аст. Худо сояи Рахмонро аз сари мардуми точик кам накунад

Ҷавоб диҳед Иқтибос Шикоят

карим

Ачабо дар Руссия то президентро танкид мекунанд, дар Точикистон мае нашунидам.Ба фикрум танкидкуна чош маълумай бари Зайду , Гафору,

Ҷавоб диҳед Иқтибос Шикоят

Эзоҳ илова кунед