Қазоқистон дар Тоҷикистон ду маркази гармидиҳӣ месозад
Оҷонсии содироту сармоягузории “KAZNEX INVEST”-и Қазоқистон тасмим гирифтааст, дар Тоҷикистон 2 Маркази барқу гармидиҳии нав бунёд кунад ва 1 нерӯгоҳи барқии ноҳиявиро навсозӣ намояд.
Тавофуқот дар ин бора зимни сафари ахири масъулини ин Оҷонсӣ ба Душанбе ҳосил шудааст. Аскар Аринов, масъули “KAZNEX INVEST” оид ба рушди содирот гуфтааст, зимни сафар ба Душанбе барои ворид кардани маҳсулоти сохти Қазоқистон ба Тоҷикистон аз қабили фанер, нуриҳои минералӣ, дастгоҳҳои пизишкӣ ва доруворӣ дар ҳаҷми 7 миллион доллар шартнома имзо шудааст. Инчунин, қарор аст, ки ҷониби Қазоқистон дар сохтмони иншооти давлатии Тоҷикистон иштирок мекунад.
Сарсенов Маулен, мудири кулли корхонаи истеҳсоли маҳсулоти техникӣ гуфтааст, ки ин гурӯҳи тиҷоратӣ дар Тоҷикистон дурнамои навро барои тоҷирони Қазоқистон боз кардааст. Ширкати таҳти раҳбарии Сарсенов барои 2 миллион доллар бо ҷониби Тоҷикисон созишнома имзо кардааст. Афзун бар ин, шартномаи ворид кардани маҳсулоти сохтмонӣ аз Қазоқистон барои Маркази барқу гармидиҳии Душанбе дар ҳоли баррасӣ аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |