26 июн 2015 13:35Тоҷикистон / Ҷавонон ва варзиш

“Позорная победа”-и Қазоқистон бар тими Тоҷикистон

Тими миллии наврасони то 16-солаи Тоҷикистон дар бозии охирини марҳилаи гурӯҳии 8-умин мусобиқоти байналмилалӣ барои дарёфти Ҷоми президенти Қазоқистон аз тими мунтахаби ҷавонони Қазоқистон шикаст хурд.

Ин бозӣ, ки 25 июн дар пойтахти Қазоқистон -- шаҳри Остона доир шуд, бо ҳисоби 1:2 ба фоидаи мизбонон хотима ёфт. Голи нахустинро дар дақиқаи 26-уми бозӣ Рамз Амрохонов, бозингари тими миллии Тоҷикистон ба дарвозаи ҳариф ворид намуд. Ду голи ҷониби Қазоқистонро бошад дар дақиқаҳои иловагӣ бозингарон-Бортай дар дақиқаи 40+2 ва Таласбоев дар дақиқаи 80+7 ба ҳадаф расонданд.

Тими Мунтахаби наврасони Тоҷикистон, баъди бохт аз тими мизбонон, аз идомаи рақобатҳо барои дарёфти Ҷоми президенти Қазоқистон ва мукофоти молӣ маҳрум гашт. Анваршо Мирзоев роҳбари дастаи мунтахаби наврасони Тоҷикистон (U-16) сабаби бохти тимашро ба хатоии доварон рабт дода гуфтааст: “Тими наврасони кишвар то охирин лаҳза рақобат карданд. Онҳо ҳамаи он дастуре, ки мураббӣ дода буд, иҷро карданд. Мутаассифона дар охир бо хатогии довар мо бозиро бохтем”.

Федератсия футболи Тоҷикистон низ мегӯяд Тоҷикистон дар пайи иштибоҳи довар-Ҳалимҷон Кенҷалинов бозиро бо Қазоқистон бохт: “Тӯби ёздаҳметрие, ки дар дақиқаҳои охири даври дуюми бозӣ аз ҷониби довар беасос бар тими Қазоқистон дода шуд, боиси тағйири натиҷаҳо гашт. Ин хатоии довари майдон баҳсҳои зиёдеро миёни мутахассисони футбол ва корбарони шабакаҳои иҷтимоӣ ба вуҷуд овард”.

Ҳамин тариқ дар даври финалии мусобиқоти Ҷоми президенти Қазоқистон тимҳои Испания – Озарбойҷон, барои дарёфти ҷойи сеюм Қазоқистон ва Гурҷистон рақобат хоҳанд кард. Дар сурати мусовӣ анҷом ёфтани бозии рӯзи 25-уми июн ба ҷои Қазоқистон бояд тими Тоҷикистон барои ҷои сеюм бо тими Гурҷистон қувваозмоӣ мекард. Аммо феълан Тоҷикистон танҳо барои дарёфти ҷойи 5-ум бо тими Русия рақобат хоҳад кард.

Дар ҳамин ҳол расонаҳои маъруфи Қазоқистон дар умури варзиш ғолибияти тими миллиашонро бар Тоҷикистон “позорная победа” унвон карда, зарбаи 11 метрии таъинкардаи доварро беасос хонданд.

Мӯҳр

Хабарҳои монанд:

салим

Ээ хами хайрият доварам хаст, бахонаи шумо хам хаст. Агар довар намешуд чиро айбдор мекардед?

Ҷавоб диҳед Иқтибос Шикоят

Панчакенти

Бахонаи ракосаи гузини нони чавин мегуянд.........Бахонаи мо бошад як умр доварон.........Ээхх мемурен бозингаронро аз руи тагобози неву аз руи хакикату инсоф гиред Тагахооо......!!!!!!!!!

Ҷавоб диҳед Иқтибос Шикоят

Ситам

Бахонаи шахси айбдор..... нони чавист!

Бахонаи шахси айбдор..... нони чавист!

Ҷавоб диҳед Иқтибос Шикоят

Анвар

Ба монанди хамин ватандустон ба мисли Салиму,Панчакентиву,Ситам бисёранд.Хамин хел агар мухлиси кардан гиранд аз рушон безор. Ман хам як масал мегум:Саг мечака корвон рафтан мегирад.Мо рафтан мегирем!

Барои фош кардани гапхои нодурусти шумо-агар хохед ман навори бозиро пешкаш мекунам.Шумо секаса ба гиряхои бачахои тим намеарзед!

Ҷавоб диҳед Иқтибос Шикоят

Эзоҳ илова кунед