"The New Indian Express": Нахуствазири Ҳиндустон ба Фархор меравад
Нарендра Модӣ, нахуствазири Ҳиндустон аснои сафар ба Тоҷикистон аз бемористони низомие дидан мекунад, ки 15 сол қабл бо кумаки ин кишвар барои табобати ҷангиёни Эътилофи Шимол бунёд шудааст. Дар ин бора нашрияи "The New Indian Express"-и Ҳиндустон хабар додааст.
Ба иттилои нашрия, ин воҳиди пизишкии саҳроиест, ки дар ноҳияи Фархори Тоҷикистон бунёд ёфт ва Аҳмадшоҳ Масъуд пас аз шадидан захмӣ шудан дар як ҳамлаи интиҳории 9-уми сентябр онҷо оварда шуд. Манбаъ мегӯяд, ин бемористони саҳроӣ пас аз суқути “Толибон” дар соли 2001 баста шуд, вале моҳи октябри соли гузашта дубора дарҳояш боз гардид.
"The New Indian Express" дар заминаи ин матлаб бо Мирзошариф Ҷалолов, сафири Тоҷикистон дар Ҳиндустон ҳам суҳбате анҷом додааст. Оқои Ҷалолов бо нигаронӣ аз нооромиҳои шимоли Афғонистон гуфта, “мо неруҳои худро дар марз қавӣ кардем”. Ӯ ҳузури ҷангиёни ДИИШ дар шимоли Афғонистонро ҳам мояи нигаронӣ хондааст: “Ин як мушкили хеле ҷиддӣ аст. Мо тахмин мезанем, ки ҳудуди 200-300 тоҷик дар сафи ДИИШ ҳастанд”.
Ба ин тартиб, муаллифи матлаб навиштааст, “дар чунин вазъ сафари нахуствазири Ҳиндустон имкон медиҳад, дубора ба ваҳдати мубориза алайҳи терроризм ва дифоъ тавваҷуҳ зоҳир кунад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |