02 июл 2015 11:35Тоҷикистон / Иқтисодӣ / Тема дня

Парвандаи ҷиноӣ алайҳи раҳбари “Союз Сохтмон” барои қаллобӣ дар Душанбе

Вазорати умури дохилии Тоҷикистон мегӯяд, нисбати раҳбари ширкати сохтмонии “Союз Сохтмон” бо иттиҳоми қаллобӣ дар ҳаҷми беш аз 90 ҳазор доллар, парвандаи ҷиноӣ боз кардааст.

Тибқи иттилои ин ниҳод, парванда аллайҳи ӯ дар пайи шикояти як сокини шаҳри Душанбе ифтитоҳ шудааст. Манбаъ мегӯяд, якуми июл сокини 24-солаи пойтахт ба Шӯбаи ВКД дар ноҳияи Сино муроҷиат карда, гуфтааст, “аввалҳои моҳи августи соли 2013 роҳбари ҶДММ “Союз Сохтмон”, марди 51-сола бо роҳи фиреб ба бовариаш даромада, аз ӯ 26000 доллар гирифта, ваъда додааст, ки дар ҳудуди маҳаллаи 83 аз бинои баландошёнаи навсохт, ба ӯ хонаи истиқоматӣ медиҳад, аммо ваъдаашро то ҳол иҷро накардааст”.

Ба иттилои манбаъ, маълум гардидааст, ки раҳбари “Союз Сохтмон” ҳамчунин моҳи июли соли 2014 бо роҳи фиреб ба боварии зани 47-сола даромада, 20000 доллари ӯро гирифта, ваъдаашро барои додани манзил иҷро накардааст: “Ҳамчунин, номбурда моҳи декабри соли 2013 бо ҳамин роҳ аз марди 44-солаи сокини пойтахт 48000 доллари амрикоӣ гирифта, то ҳол ба ваъдааш вафо накардааст”.

Вазорати умури дохилӣ мегӯяд, раҳбари “Союз Сохтмон” қаблан бо моддаҳои 247 ва 253-и Кодекси ҷиноятии Тоҷикистон маҳкум шуда будааст.

Мӯҳр

Хабарҳои монанд:

Хукукшинос

Чаро $ 26 000 маблагро бидуни хуччатгузории нотариали е бидуни гузаронидан ба хисоби бонки додааст? Манбаъи чунин маблагро ба даст овардани даъвогар аник шудааст ми?

Ҷавоб диҳед Иқтибос Шикоят

Said

Хукукшинос,
Ман хам яке аз хамин чабрдидахо хастам ки аз дасти ин одам зарари модди дидаам. Лекин ин одам то хол дар озоди гашта истодааст. Ман шахсан маблагхои Худамро дар хазинаи ин ташкилот дар асоси хучати хазинави супоридаам. Аммо шартномаи хамаи чабрдидагон дар нотариюс сабт нагардидаст. Мухимаш ин ки ин одам то хол фиреб карда дар озоди гашт истодааст.

Ҷавоб диҳед Иқтибос Шикоят

Эзоҳ илова кунед