Э. Раҳмон ба Обама: Тоҷикистон аз ҳамкорӣ бо Амрико манфиатдор аст!
Эмомалӣ Раҳмон, раисҷумҳури Тоҷикистон бо ирсоли як нома Борак Обама, раиси ҷумҳурии Иёлоти Муттаҳидаи Амрикоро бо иди миллии кишвараш табрик гуфтааст.
Дар номаи раисҷумҳур, аз ҷумла омадааст, "Ҷаноби Олӣ, табрикоти самимии маро ба муносибати Иди миллии кишвар – 239-ин солгарди Рузи истиқлолияти Иёлоти Муттаҳидаи Амрикоро – қабул фармоед”.
Эмомалӣ Раҳмон дар идома таъкид кардааст, ки Тоҷикистон аз густариши равобити дарозмуддаташ бо ИМА манфиатдор асту ба вазъи он пайваста таваҷҷуҳ зоҳир мекунад: “Боиси хушнудист, ки раванди ҳамкориҳои судманди байни Тоҷикистон ва ИМА имрӯз фарогири бисёр соҳаҳои сиёсӣ, амниятию низомӣ, гуманитарию иҷтимоӣ ва тиҷоративу иқтисодӣ гардидаанд. Дар ин росто ҳамкории пурмаҳсули ҷонибҳоро дар масъалаҳои гуногуни таъмини суботу амнияти минтақавӣ ва мубориза алайҳи хатару таҳдидҳои глобалӣ низ хуб арзёбӣ менамоем”.
Раисҷумҳури Тоҷикистон афзуда, ки мутмаин аст, ҳамёрии Душанбею Вашингтон дар ояндаи наздик ҷанбаҳои нави ҳамкориҳои мутақобилан судмандро фаро хоҳад гирифт: “Ҷониби мо дар ин самт саъю кӯшиши заруриро ба харҷ хоҳад дод”.
Эмомалӣ Раҳмон дар охир ба раисҷумҳури Амрико сиҳатии комилу пирӯзиҳои нав ба нав ва ба мардуми дӯсти ин кишвар – пешрафту шукуфоӣ орзӯ кардааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |