05 июл 2015 11:20Оcиёи Марказӣ / Тоҷикистон

Танқиди Расулзода аз кундии кор дар таъмири нақби "Истиқлол"

Қоҳир Расулзода, сарвазири Тоҷикистон аз рафти корҳои таъмиру бозсозӣ дар нақби “Истиқлол”, ки Душанберо бо Хуҷанд мепайвандад, норозигӣ намудааст.

Сарвазири Тоҷикистон рӯзи 4 июл барои шиносоӣ бо рафти корҳои таъмиру бозсозӣ аз нақби “Истиқлол” боздид карда, раванди иҷрои корҳои сохтмониро кунд хондааст. Ӯ гуфтааст, “дар иҷрои корҳои нақшавӣ саҳлангорӣ низ зоҳир мешавад”.

Расулзода роҳбарияти Вазорати нақлиёти Тоҷикистону корхонаҳои тобеи он, мутахассисони ширкатҳои ҳамкор ва масъулини соҳаро барои ташкили кори шабонарўзӣ дар қитъаҳо, дар як вақт ба роҳ мондани корҳои бетонрезӣ, таъмини саривақтии музди маоши кормандон, афзун намудани нерўи корӣ ва техникаю таҷҳизот, беҳдошти шароити барқрасонӣ, вусъати корҳои равшаннамоию ҳавотозакунӣ муваззаф карда, хостааст, корҳои бозсозии нақб босифати баланд ва дар муҳлати муайяншуда пурра анҷом дода шавад.

Бунёди нақби “Истиқлол”, ки дар гарданаи Анзоб воқеъ асту шаҳри Душанберо бо шимоли кишвар пайваст мекунад, аз соли 1998 бо кӯмаки молии Эрон аз ҷониби ширкати “Собир Интернешнл” оғоз шуд. Моҳи майи соли 2003 Душанбе ва Теҳрон барои анҷоми корҳои сохтмонӣ Ёддошти тафоҳум тасвиб карданд. Барои иҷрои ин тарҳ 39 миллион доллар ихтисос шуда, аз ин миён 21 миллион доллар кумаки билоивази Эрон мебошад. Айни ҳол бо вуҷуди ифтитоҳи расмии нақб вазъи он ногувор буда, мусофирон зимни убури он ба мушкилиҳо дучор мешаванд. Охири моҳи июни соли равон рафтуо тавассути ин нақб дубора маҳдуд шуда, ҳоло дар асоси созишномаи дуҷониба миёни ҳукумати Тоҷикистону Эрон корҳои бозсозию бастани маҷроҳои об дар мавзеъҳои алоҳида, бетонрезии қабати болоии роҳ, равшаннамоӣ ва ҳавотозакунӣ идома дорад.

Мӯҳр

Хабарҳои монанд:

кистакоз

Мухтарам Сарвазир, илтимос, барои назорати ин иншооти стратеги, кадрхои бо ихтисоси баландро аз кадрхои болаекат аз вилояти Сугд чамъ карда ба тонели Истиклол фиристед. акалан барои контрол.

Ҷавоб диҳед Иқтибос Шикоят

накиб

Ин накб оинаи истиклолият аст.

Ҷавоб диҳед Иқтибос Шикоят

Панчакенти

Эээ войее!!! Худоее кошки Расулзода Панчакенти мебуду барои модарашро хабаргири рафтан харбор бо ин роху тунел мерафт.....баъд мефахмид ки гап дар кучост.......???? Хаминтавр нее Расулзода!!!!!

Ҷавоб диҳед Иқтибос Шикоят

ш Душанбе

нақби “Истиқлол” ро харсол таъмир бо маблагхои калони бе сохиб ...ягон бехбуди намешавад .....боз бахамон холаш истодагри мекунанд.... бовар кунед ин ак шармандаги ....

Ҷавоб диҳед Иқтибос Шикоят

Толиб

Мухтарам Кохир Расулзод ман бо Шумо дар вазорати Мелиоратция кор карда будам ва хамаи хизматхое ки дар вакти рохбариатон дар ин системаи вазорат карда будед хеч гох аз хотири кормандони намебароед дар хар лахза мисоли корхои ичрокардаи Шуморо бо неки ба ёд меорему
мисли Шумо дигар вазире пайдо нашуд ки кори Шуморо давом дихад.
Натичаи бе масъулиятии баъзе вазирон Вазорат бархам шуд.Хамаи ин аз кадрхо вобастаги калон дорад
Сохтмони тунели истиклолро ба дарачаи паст сохтанду баррои чи комиссияи давлати онро кабул кард.Бояд шахсони муттасадиро ба чавобгари кашида шавад.Миллионхо пули давлатро гирифта тунел дар холати садамави аст. Ман бовари дорам ки дар ин се мохе ки тунелро аз нав таъмир мекунанд агар назорати чиддии Шумо набошад кормандони вазорати наклиёт ва маркази Лоиха боз пулхоро обу лой мекунанду холати ин тунел бехбудиро намебинад .Аз Шумо илтимос зери назорати худ гиред, чунки Шумо яке аз бехтарин рохбарон инженери барчастаи точик хастед . Ба Шумо барори кор орзумандам.

Ҷавоб диҳед Иқтибос Шикоят

Эзоҳ илова кунед