Зиндонӣ кардани шаҳрвандон дар Тоҷикистон афзоиш ёфтааст
Дӯстмурод Муродзода, раиси Шӯрои адлияи Тоҷикистон имрӯз, 7 июл зимни як нишасти матбуотӣ дар Душанбе аз афзоши таъини ҷазо барои зиндонӣ сохтани шаҳравандон хабар дод.
Ӯ гуфт, дар нимсолаи аввали соли равон таъини ҷазо дар намуди маҳрум сохтан аз озодӣ 42 дарсадро ташкил медиҳад, ки дар муқоиса ба ҳамин давраи соли гузашта 8 фоиз зиёд мебошад. Ба қавли ҷаноби Муродзода, дар соли сипаришуда, таъини ҷазо барои маҳрум намудан аз озодӣ ба 34 дарсад баробар будааст.
Афзоиши таъини ҷазо ҷиҳати маҳрум сохтан аз озодӣ дар ҳолест, ки Эмомалӣ Раҳмон, раисиҷумҳури Тоҷикистон зимни ҷаласаи ахири Шӯрои амнитӣ ба масъулини дахлдор ҳушдод дод, зиндонӣ кардани шаҳрвандон коҳиш дода шавад ва бештар ба пешгирии сар задани ҷиноятҳову роҳҳои ислоҳи онҳо таваҷҷуҳ зоҳир гардад.
Бино ба иттилои Дӯстмурод Муродзода, омори ҳукмҳоеро, ки барои маҳрум сохтан аз озодӣ аз ҷониби судяҳо содир шудаанд, мавриди баррасӣ қарор медиҳанд: “Мо дар машғулиятҳои семинарии ҳармоҳа бо судяҳо дар ин масъала мунтаззам суҳбатҳо дорем, лекин як чиз аст, яке аз принсипҳои классикии ҳуқуқӣ ҳамин аст, ки ногузирии ҷавобгарии ҷиноятӣ ва фардикунонии ҷазо, яъне ҳеҷ кас аз ҷавобгарии ҷиноӣ, агар ҷиноят содир карда бошад, бояд барканор намонад. Он нишондиҳандае, ки аст, гуфта истодем дар хусуси зиёд ё кам шудани шумораи ҳукмҳо ҳамин хел расм шудааст барои то як андоза муайян кардани нишондиҳандаи ҷамъбастии фаъолияти судҳо, лекин дар амал шумо медонед, ба сиёсати башардустӣ гузаронидани қонунгузории ҷиноятӣ дар ду марҳилаи барномаи ислоҳоти судӣ идома дошт ва қисми зиёди ҷиноятҳое, ки дар онҳо маҳруми аз озодӣ пешбинӣ гардида буд, ба ҷазои ҷарима ва дигар намуди ҷазоҳои ба маҳруми аз озодӣ алоқаманд набуда иваз шуданд”.
Раиси Шӯрои адлия гуфт, имсол аз шумораи умумии маҳкумшудаҳо 214 ноболиғ, 412 зан ва 27 нафараш шаҳрвандони хориҷӣ мебошанд. Номбурда иброз дошт, дар давоми 6 моҳи аввал як нафар ҳукми якумра гирифтааст ва нисбати 4 нафари дигар ҳукми сафед содир шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |