Танҳо дар 7 рӯзи моҳи июл. 17 нафар ғарқ шудаанд
Вазорати умури дохилии Тоҷикистон мегӯяд, тайи ду рӯзи ахир 8 ҳодисаи ғарқшавии одамон ба қайд расидааст.
Торнамои расмии ин ниҳод мегӯяд, ҳамаи ҳодисаҳои ғарқшавӣ, ки рӯзҳои 5 ва 6 июл дар кӯлу дарё ва обанборҳои ҷумҳурӣ ба вуқӯъ пайвастааст, оқибатҳои нохуш доштаанд. Ба иттилои манбаъ, дар ноҳияи Конибодом ҷавони 26-солаи сокини ҷамоати деҳоти Пулотони ноҳия ҳангоми оббозӣ дар дарёи “Сир” аз беэҳтиётӣ ғарқ шудааст ва барои дарёфти ҷасади ӯ чорабиниҳои оперативӣ-ҷустуҷӯӣ идома доранд: “Духтарчаи 2-солаи истиқоматкунандаи шаҳри Исфара аз беназоратии волидайнаш ба ҷӯйбори қафои ҳавлии истиқоматиашон афтида, ба ҳалокат расидааст. Марди 45-солаи сокини ноҳияи Рашт ҳангоми оббозӣ карданаш дар дарёи “Сурхоб” ҳудуди ноҳияи мазкур аз беэҳтиётиаш дар об ғарқ шудааст. Барои дарёфти ҷасади марҳум чорабиниҳои ҷустуҷӯӣ идома доранд”.
Манбаъ меафзояд, ҳодисаи дигар дар ноҳияи Рашт рух додааст. Як писарбачаи 11-сола, ҳангоми моҳигирӣ ба дарёи “Сорбоғ” афтида, ҷон медиҳад: “Ҷавони 22-солаи сокини ноҳияи Рашт, донишҷӯ, ҳангоми оббозӣ карданаш дар дарёи “Варзоб”, воқеъ дар ҳудуди ноҳияи И.Сомонӣ аз беэҳтиётиаш дар об ғарқ шудааст. Барои дарёфти ҷасад чорабиниҳои ҷустуҷӯӣ идома доранд. Ҷавони 18-солаи сокини н. Данғара ҳангоми оббозӣ карданаш дар кӯли ҳудуди деҳаи Дарёободи ноҳияи Рӯдакӣ аз беэҳтиётиаш дар об ғарқ шудааст. Барои дарёфти ҷасади шаҳрванд чорабиниҳои ҷустуҷӯӣ идома доранд”.
Дар ҳудуди ноҳияи Бобоҷон Ғафуров бошад, шаҳрванди Ҷумҳурии халқии Хитой, марди 26-сола, муваққатан истиқоматкунандаи шаҳри Хуҷанд ҳангоми оббозӣ дар обанбори “Қайроққум” ғарқ шудааст. Як духтарчаи 2-солаи сокини ноҳияи Нуробод ҳангоми бо ҳамроҳии модараш дар лаби дарёчаи “Ҷавҷӣ”-и ноҳия қарор доштан ба дарё афтидааст.
Ин дар ҳолест, ки қаблан, Вазорати умури дохилии Тоҷикистон гуфт, танҳо дар рӯзи сеюми июл дар пайи ғарқшавӣ дар қаламрави кишвар нуҳ нафар ҷони худро аз даст додаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |