Барномаи суғуртавии “Нури умед”
Маркази матбуоти Беморхонаи Ибни Сино
Кӯш, то халқро бакор оӣ,
То ба хулқатҷаҳон биёроӣ.
(Саъдии Шерозӣ)
Бо илҳом аз ин панди шайх Саъдӣ ва ба хотири саҳми бештар гирифтан дар ҳалли масоили иҷтимоии кишварамон, ташкилоти “Суғуртаи миллӣ” тасмим гирифт дар ҳамкорӣ бо Бемористони Ибни Сино барои дастгирии қишри ниёзманди ҷомеа ҳар моҳ як беморро комилан ройгон ҷарроҳӣ бикунад ва илова бар ин, ҳар моҳе ба ду бемортабобати консервативӣ гузаронад. Ин барнома шомили тамоми бахшҳои бемористон: ҷарроҳии умумӣ, урологӣ, кардиологӣ, ҷарроҳии дил, гастроэнтерологӣ, бемориҳои занона, чашмпизишкӣ, гӯшу гулӯву бинӣ, ҷарроҳии мағзу аъсоб, ортопедӣ, гепотологӣ вабахши ҷарроҳиҳои тармимӣ хоҳад буд, яъне ҳармоҳа дар яке аз ин бахшҳо, як бемори камбизоат мавриди ҷарроҳӣва ду бемори дигар мавриди дармон қарор мегирад.
Бо дар назардошти ташкилоти тозатаъсис будани «Суғуртаи миллӣ» ва тавони молии он, шумори ниёзмандони камбизоат, ки ба ҷарроҳӣ ва дармони ройгон фаро гирифта мешаванд, маҳдуд ба се нафар дар як моҳ, яъне солона 36 нафар хоҳад буд, вале ба маҳзи пайдо шудани нафарони саховатманд ва ширкатҳои саҳмгузор, ки майл доранд, дар ин кори хайр саҳм бигиранд, теъдоди бештари маризони мӯҳтоҷфаро гирифта мешаванд. Онҳое, ки мехоҳанд худ ва ё наздиконашон аз тариқи ин барнома аз ҷарроҳӣ ва дармони ройгон баҳравар шаванд, бояд ба талаботи зайл ҷавобгӯ бошанд:
1. Шаҳрванди Тоҷикистон бошанд;
2. Ташхиси бемориашон таъйид шуда бошад;
3. Санади кумитаи ҳифзи иҷтимоии маҳалли сукунаташонро дар мавриди ниёзмандбуданашон пешниҳод кунанд;
4. Табобаташон нақшавӣ бошад, на фаврӣ;
5. Табобат ё ҷарроҳии онҳо аз ҷониби комиссияи табобатии бемористони Ибни Сино таъйид шавад.
Дар наздиташкилот комиссияи махсус, ки аз фаъолони ҷомеа иборат аст, ташкил карда шудааст. Комиссияи мазкур асноди хоҳишмандонро баррасӣнамуда баъданинтихобу пешниҳод мекунад.Бо мақсади шиносоӣ боҷараёни татбиқи барнома ва нигоҳ доштани шаффофияти он, руйхати маризони ниёзманд дар сомонаи интернетии “Суғуртаи миллӣ” мунтазам чоп хоҳад шуд.
Ташкилоти «Суғуртаи миллӣ» ба ҳамаи шаҳрвандони кишвар тандурустӣ ва хонаободиро таманно дорад!
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |