Қосимов: Маоши хизматчиёни давлатӣ 15 дарсад зиёд мешавад
Шурӯъ аз моҳи сентябри соли равон дар Тоҷикистон маоши хизматчиёни давлатӣ то 15 дарсад зиёд мешавад. Дар ин бора Гурез Қосимов, муовини директори Агентии хизмати давлатии назди президенти Тоҷикистон имрӯз, 7 июл дар суҳбат ба “Озодагон” хабар дод.
Ӯ гуфт, феълан маоши миёнаи хизматчиёни давлатӣ 1065 сомониро ташкил медиҳад. Ба қавли ҷаноби Қосимов, маоши зиёд ё ками хизматчиёни давлатӣ аз собиқаи хизмати давлатӣ ва категорияи корияшон вобаста аст: “Агар оддӣ карда гӯем, аз мутахассиси қаторӣ то категорияи 5-ум, яъне мутахассиси пешбар ва сармутахассис музди замимавии меҳнаташон 450 сомонӣ муқарар мешавад. Дар болои 450 собиқаи хизмати давлатияшонро ҷамъ мекунем. Ҳар қадар собиқаи зиёд дошта бошад, маош ҳамон қадар зам мешавад”.
Ба иттилои Гурез Қосимов, айни ҳол дар Тоҷикистон 18 ҳазору 582 хизматчии давлатӣ мебошад, ки аз ин 4 ҳазору 414 нафарашро занон ва 7 ҳазору 968 тани дигарро ҷавонони то 35-сола ташкил медиҳад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |