09 июл 2015 13:12Тоҷикистон / Иқтисодӣ

Тағоймуродов: Ҳукумат пули оби милисаю амниятиҳоро намедиҳад

Алимурод Тағоймуродов, роҳбари корхонаи “Хоҷагии манзилию коммуналӣ”-и Тоҷикистон имрӯз, 9 июл зимни як нишасти хабарӣ дар Душанбе гуфт, онҳо ба афроде, ки имтиёз доранд, хизмат мерасонанд, аммо ҳукумат маблағи хизматрасониро пурра барнамегардонад.

Ӯ мегӯяд, тибқи муқаррарот онҳо ба кормандони имтиёзноки прокуратура, амният, ВКД ва Вазорати дифоъ хизмат мерасонанд ва ҳаққи ин хизматрасониро ҳукумат ба корхона пардохт мекунад. Ба гуфтаи оқои Тағоймуродов, соли сипаришуда Вазорати молияи кишвар аз 6 миллиону 900 ҳазор сомоние, ки онҳо барои хизматрасонӣ ба афроди соҳибимтиёз пешниҳод карданд, танҳо 2 миллиону 400 ҳазор сомонӣ ҷудо кард: “Вақте ҳукумат ба мо пул намедиҳад, қарзи андоз дар гардани мо омадан мегирад. Ҳамин аст, ки қарзи андоз ҳоло зиёда аз 12 миллион сомониро ташкил медиҳад”.

Раҳбари корхонаи “Хоҷагии манзилию коммуналӣ” мегӯяд, қарзи аҳолӣ дар назди корхонаашон ба 17,3 миллион сомонӣ расида, қарзҳои кредитории онҳо дар маҷмӯъ 38,8 миллион сомониро ташкил медиҳад.

Мӯҳр

Хабарҳои монанд:

444

Мухтарам Алимурод Тагоймуродов! Шумо аз Хукумат маблагро гирифта натавонед касди Мусоро аз Исо гирифта бе инхам мардум камбагаланд ин маблагхоро аз киссаи мардум ситониданиед. Дар вазифаам гуфта аз Худо бе хабар намонед. Тубарин хочахоро намебахшад. Аз Худо тарсед. Баъдан камтар аз гугури сарвари худа шоху таъбам вазир фароед ва ба Конкнхои ЧТ назар андозед. Дар Точикистон Конун хаст, ки об бе пул аст.

Ҷавоб диҳед Иқтибос Шикоят

Шиновар

Бе хаминам дар пеши млесахо истода намешад. Илтимос обшона махкам накунен ки хамара бу мегиронан. Озоди ку бчопш даааа

Ҷавоб диҳед Иқтибос Шикоят

Эзоҳ илова кунед