(АКС): Сӯхтор дар ошхона ва болопӯши манзили истиқоматӣ
Чоршанбеи 8 июл дар маркази вилояти Суғд ду ҳодисаи сӯхтор ба вуқӯъ пайвастааст.
Қаҳрамон Қодиров, масъули Хадамоти оташнишонии шаҳри Хуҷанд дар суҳбат ба “Озодагон” гуфт, як сӯхтор дар ошхонаи манзили истиқоматӣ ва дигарӣ дар болопӯши бинои истиқоматии дигар сар задааст.
Ба гуфтаи номбурда, тахмин соатҳои 11:30 дар ошхонаи манзили истиқоматии сокини шаҳри Хуҷанд, воқеъ дар кӯчаи Самарқанд ҳангоми истифода аз зарфи гази моеи истеҳсоли Эрон сӯхтор ба амал омадааст: “Дар натиҷа молу амволи ошхона ба масоҳати умумии 7 метри мураббаъ нобуд гардид, ки зарари расидаи он зиёда аз 1500 сомониро ташкил медиҳад".
Ҷаноби Қодиров афзуд, соатҳои 19:00-и рӯзи 8 июл дар болопӯши бинои 3-юми маҳаллаи 18, оташ сар зад: “Бар асари сӯхтор болопўши бинои истиқоматӣ ба масоҳати умумии беш аз 450 метри мураббаъ қисман сӯхтааст”.
Хадамоти оташнишонии шаҳри Хуҷанд мегӯяд, тайи шаш моҳи соли равон дар қаламрави шаҳр 30 ҳодисаҳои сӯхтор рух додааст. Нақзи қоидаҳои васлкунии ноқилҳои барқӣ ва истифодаи зарфи гази моеи истеҳсоли Эрон аз сабабҳои аслии сӯхторҳо гуфта мешавад. Зарари расида аз сӯхторҳо дар шаш моҳи имсол беш аз 90 ҳазор сомониро ташкил медиҳад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |