Э. Раҳмон аз ҳамтоёнаш даъват кард, ба ҳамлу нақли минтақавӣ монеа эҷод нашавад(АКС)
Эмомалӣ Раҳмон, раисҷумҳури Тоҷикистон дар ҷаласаи сарони давлатҳои аъзои БРИКС, СҲШ ва Иттиҳоди иқтисодии Авруосиё масъалаи бӯҳрони озуқаворӣ, энергетикӣ ва молиявию иқтисодиро ба миён гузоштааст.
Ба иттилои дафтари матбуоти раёсатҷумҳури кишвар, Эмомалӣ Раҳмон дар суханронии худ таваҷҷуҳи ҳозиринро ба мушкилу монеаҳои глобалӣ, ки садди роҳи рушди иҷтимоию иқтисодӣ ва таъмини зиндагии шоистаи мардум мегарданд, ҷалб кардааст.
Раисҷумҳури Тоҷикистон таъкид кардааст, ки монеаи асосӣ дар ин роҳ амиқ рафтани бӯҳрони озуқаворӣ, энергетикӣ, молиявию иқтисодӣ ва ҳамчунин гармшавии иқлими сайёра мебошад. Ӯ бунёди манбаъҳои энергияи таҷдидшаванда, аз ҷумла иншооти гидроэнергетикӣ, рушди иқтисоди аз ҷиҳати экологӣ бехатар, ки маъмулан иқтисоди сабзаш меноманд ва ҳамчунин фаъолияти бемонеаи шабакаҳои нақлиётӣ ва ҳамлу нақли миллию минтақавиро аз шартҳои асосии рушди устувори ҷаҳонӣ номидааст.
Ба қавли Эмомалӣ Раҳмон, ба кишварҳое, ки дастрасии мустақим ба роҳҳои баҳрӣ надоранд, расидан ба ҳадафҳои рушди устувор басо мушкил аст: “Аз ин хотир, бояд дастгирии кӯшишҳои чунин кишварҳо дар самтҳои бунёди зербинои муосири ҳамлу нақли миллию минтақавӣ, диверсификатсияи иқтисод ва робитаҳои байналмилалӣ бояд аз ҷумлаи афзалиятҳои асосӣ бошанд”.
Мулоқоти ғайрирасмии сарони давлатҳои аъзои БРИКС (Бразилия, Русия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи “Роҳҳои баланд бардоштани некуаҳволии мардумони кишварҳои мо” бегоҳи 9 июли соли равон дар шаҳри Уфа баргузор шуда, аввалин мулоқоте буд, ки дар як вақт ва як ҷо сарони давлатҳои аъзои ин 3 созмон гирди ҳам омада буданд.
Ҳамоиши навбатии сарони давлатҳои аъзои Созмони ҳамкории Шанхай имрӯз, 10 июл дар шаҳри Уфа баргузор мешавад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |