Дар Тоҷикистон 18 корхона маҳсулоти “Ҳалол” истеҳсол мекунад
Агентии “Тоҷикстандарт” мегӯяд, шумори корхонаҳое, ки дар Тоҷикистон маҳсулоти худро бо тамғаи “ҳалол” ба фурӯш мебароранд, ба 18 расидааст.
Ибодулло Қурбониён, раиси Агентии “Тоҷикстандарт” имрӯз, 10 июл дар нишасти хабарии ниҳодаш гуфт, соли гузашта ҳамагӣ 16 корхона соҳиби тамғаи “Ҳалол” буд ва ҳоло ин шумора ба ду адад зиёд шудааст.
Ӯ мегӯяд, инчунин барои дарёфти тамғаи “Ҳалол” дар се корхона корҳои сертификаткунонӣ дар арафаи анҷомёбист: “4 корхонаи дигар барои истеҳсол намудани маҳсулот бо тамғаи” ҳалол” ба Агентӣ дархост ворид кардаанд”.
Ба гуфтаи Ибодулло Қурбониён то ҳол ягон ҳолати ғайриқонунӣ истифодаи тамғаи “Ҳалол” дар кишвар ошкор нашудааст.
Бахтиёр Шукуров, раиси пешини агентии “Тоҷикстандарт” низ дар нишасти хабарии як сол пеши ин ниҳод, истифодаи тамғаи “Ҳалол”-ро дар корхонаҳо мусбат хонда, қайд намуда буд, амалӣ намудани тамғаи мазкур дар асоси талаботи шариати исломӣ роҳандозӣ шудааст. Он замон Азалшоҳ Воҳидов, масъули тамғаи “Ҳалол” дар агентии “Тоҷикистандарт” дар суҳбат ба “Озодагон” шарҳ дод, ки 60-70 дарсади талаботи тамғаи “Ҳалол” тибқи шариати исломӣ пешбинӣ шудааст ва масъулини Кумитаи дини Тоҷикистон зимни санҷиши ин тамға бо кормандони агентӣ дар ҳайати комиссия якҷо кор мебаранд: “Маслан, аз забҳи ҷорво то охир комиссияи махсус ин масъаларо назорат ва мавриди санҷиш қарор медиҳад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |