14 июл 2015 10:27---

Ваъдаи қабули донишҷӯёни бештари тоҷик ба донишгоҳи мазоҳиби исломии Эрон

Неъматуллоҳ Эмомзода, сафири Тоҷикистон дар Эрон Оятуллоҳ Муҳсин Ароқӣ, дабири Маҷмааи ҷаҳонии тақриби мазоҳиби исломиро ба конфаронси мубориза бо ифротгароӣ, ки қарор аст ояндаи наздик дар Душанбе баргузор шавад, даъват кардааст.

Ин даъват дар мулоқоти Эмомзода бо Муҳсин Ароқӣ садо додааст. Бино ба иттилои хабаргузории “Форс”, сафири Тоҷикистон бо таъкид бар ин ки Эрон меҳвари муқобила бо терроризм дар минтақа аст, афзуда, “Ҷумҳурии Исломии Эрон ҳамвора барои муқобила бо терроризм пешқадам ва пешгом будааст”.

Дипломати тоҷик дар идомаи гуфтугӯ бо Оятуллоҳ Муҳсин Ароқӣ, хостори ҳамкориҳои бештар бо Эрон ба вижа дар заминаи омӯзиши динии донишҷӯёни тоҷик шудааст. Дабири Маҷмааи ҷаҳонии тақриби мазоҳиби исломӣ дар навбати худ таъкид кардааст, кишварҳои исломӣ бояд як конфронси доимии сулҳ ташкил диҳанд, то ин конфаронс барои барқарории сулҳ, эҷоди ваҳдат ва фурӯ нишондани танишҳо дар миёни кишварҳои исломӣ талош кунад. Ин мақоми эронӣ гуфтааст, пазириши донишҷӯёни Тоҷикистонро ба донишгоҳи мазоҳиби исломии вобаста ба Маҷмааи ҷаҳонии тақриб афзоиш медиҳад.

Мӯҳр

Хабарҳои монанд:

ОВОРА

Салом озоди чаро дар бораи аз вазифа озод шудани Саидмукарам чизе хам наменависед? хохишмандем хакбину хакнавис бошетон боки дар амони худо!

Ҷавоб диҳед Иқтибос Шикоят

Абдулло

Чаро ба ин охундхои дурӯғини иронӣ, ки миллату кишвари бузурги Иронро тайи 36 соли охир хурду залил ва ба хоки сияҳ кашонидаанд, бовар доред ва пойи сӯҳбати шароратангези ишон менишинед? Миллати ирон аз инҳо сутӯҳ омадаву мо афроди сода таваққӯъе хайр аз инҳо дорем. Пойи инҳоро ба кишвар бояд роҳ надод агар оромиву суботи кишварро мехоҳем. Ирони охундӣ (клерикальный) на меҳвари мубориза бо терроризм, балки маншаъ ва конуни (очаг) ишоъаву густариши терроризм дар минтақаву ҷаҳон аст! Мувозиб бошед, бародарони масъул!

Ҷавоб диҳед Иқтибос Шикоят

Коршинос

Ин Имомови бо рофизиҳо байъат кард, ки ҷавонони гумроҳи тоҷикро ба таври оммавӣ ба Эрон оварда, лашкари рофизиро барои Тоҷикистон тайёр мекунад. Хатар, хатар, хатар!!!!!!!!!!!!!!!!!!!!

Ҷавоб диҳед Иқтибос Шикоят

Эзоҳ илова кунед