29 июл 2015 09:05Тоҷикистон / Иқтисодӣ

“Барқи тоҷик”: Беш аз миллиард сомонӣ қарздорем

Ширкати “Барқи тоҷик” ҳаҷми қарзашро беш аз як миллиард сомонӣ мегӯяд. Даврон Исҳоқӣ, муовини раиси ин ширкат дар нишасти матбуотии рӯзи 28 июл бо таъкиди ин рақам гуфт, аз ҷумла “Барқи тоҷик”аз нерӯгоҳи “Сангтуда- 1” -- 497 миллион ва аз НБО “Сангтуда - 2” -- 260 миллион сомонӣ қарздор аст. Ӯ афзуд, талош хоҳанд кард дар доираи созишномаи басташуда бо ин нерӯгоҳҳо қарзашонро марҳила ба марҳила пардохт намоянд.

Оқои Исҳоқӣ дар идома гуфт, муштариён низ аз “Барқи тоҷик” беш аз миллиард сомонӣ қарздоранд ва агар ин маблағҳо баргардонида шавад, онҳо низ имкон пайдо мекунанд, қарзҳои худро ба дигар ширкатҳо пардохт кунанд. Даврон Исҳоқӣ мегӯяд, аз як миллиарду 157 миллион сомоние, ки муштариён аз онҳо қарздоранд, беш аз 500 миллион сомонияш ба аҳолӣ рост меояд: “Дар 6 моҳи соли равон қарзи аҳолӣ дар назди “Барқи тоҷик” 74,3 миллион сомониро ташкил медиҳад. Қарзи аҳолӣ аз ширкат дар маҷмӯз аз солҳои пеш то имрӯз 504 миллион сомониро ташкил медиҳад. Нисбати қарзҳои соли пеш кор бурда истодаем, меомӯзем, ҳисобу китоб мекунем, ки кӣ чӣ миқдор қарздор аст”.

Муовини раиси “Барқи тоҷик” иброз дошт, яке аз қарздорҳои калонтарин дар назди ширкат, корхонаҳои пойгоҳҳои обкашонӣ, аз ҷумла Агентии беҳдошти замин ва обёрӣ мебошад. Ба қавли ҷаноби Исҳоқӣ, дар 6 моҳи аввали соли равон корхонаҳои Агентии беҳдошти замин ва обёрӣ ба маблағи 13,8 миллион сомонӣ нерӯи барқро истифода намуда, пардохти онро ҳамагӣ ба маблағи як миллион сомонӣ таъмин намудаанд.

Мӯҳр

Хабарҳои монанд:

кадим

имсол плано чхелан масалай светкшида

Ҷавоб диҳед Иқтибос Шикоят

Арбоб

Ахоли 500 млн сомони карздор аст? Хохарам 120 сомони аз свет карздор шуд, светоша буриданд, мачбур шуд ёфта дод. Ахолиро як мох пулашро нагирифта намемонед.

Ҷавоб диҳед Иқтибос Шикоят

ман хайрон

Дар хакикат ман коил шудам, ки дар хамин сохтор ягон хисобу китоби дуруст нест, чунки аз хисоби оби чоришуда кувваи барк истехсол мешаваду ин мардум аз хисоби барки ба хисоби миёна мефурухта шуда, ки он аз 22 дирам зиёд аст боз аз ин ду корхона карздоранд. Карзи ахолиро дар наздатон комилан дуруг баён мекунед, чунки ман худ шахсан инро дар амал дида будам, чунки бояд як касро гунахгор намуд ва хеч каси Шумо чанобон масъулияти гамхори мардум ва давлат нестенд, бинобар хисобу китоб ва горатгарии дохилиро камтар кунед, хар сол карзхои Шумо бо хар рохои конуни ва гузариши(обходя закон) конунхо аз хисоби андозхо ва дигархо миллионхо бахшида мешаванд, чунки дар хисоботи аввали соли 2015 карзхоро Шумо то 2,0 миллиард (аникаш маълум нест)сомони гуфта будед.

Ҷавоб диҳед Иқтибос Шикоят

Фархор

Корхонае ки масраф надорад чи гуна карздор шуда метавонад? МУАММО

Ҷавоб диҳед Иқтибос Шикоят

чими

чамбасти солда пеши чанобта хисботи дуруг пешниход менан ахоли 5 сомон каздор боша базур мекашен мегиренш чукуртар бковен

Ҷавоб диҳед Иқтибос Шикоят

Баркулло

Конролёро дар пеши муштари пула гирифта квитансия медиханд баъд боз дар алохидаги квитансияи худашона тартиб дода ба корхонааш месупоранд ва ними пула дар киса мезананд.

Ҷавоб диҳед Иқтибос Шикоят

Эзоҳ илова кунед