29 июл 2015 15:03Оcиёи Марказӣ / Тоҷикистон

Обама: "Ҳеч кас набояд барои тамоми умр президент бошад"

Барак Обама, раисҷумҳури Амрико дар поёни сафараш ба қораи Африқо ҳушдор додааст, ки агар раҳбарони ин минтақа бо анҷом ёфтани давраи риёсаташон аз қудрат канор нараванд, ин қора пешрафт нахоҳад кард.

Ба иттилои бахши форсии Бӣ-Бӣ-сӣ, Борак Обама гуфтааст, “Ҳеч кас набояд барои тамоми умр президент бошад”.

Раисҷумҳури Амрико аз раҳбарони кишварҳои африқоӣ хостааст, ба сарқонуни давлатҳои хеш эҳтиром бигзоранду бо поён ёфтани давраи риёсаташон аз мақомҳои худ канор раванд: “Гоҳе мешунавед, ки бархе аз раҳбарон мегӯянд, ман танҳо нафаре ҳастам, ки метавонад, ин миллатро нигаҳ дорад. Агар ин дуруст бошад, пас он раҳбар воқеан дар сохтани миллати худ шикаст хурдааст”.

Ӯ дар нишасти Иттиҳоди Африқо, ки 54 кишвар ба узвияти он шомиланд, афзудааст, “Ман намефаҳмам чаро мардум мехоҳанд, барои замони тулоние сари қудрат боқӣ монанд. Бахусус вақте пули зиёд доранд”.

Раисҷумҳури Амрико таъкид кардааст, ки демократия танҳо гузаронидани интихоботи шаффоф нест: “Замоне ки рӯзноманигорон ба хотири анҷоми корашон пушти панҷара қарор мегиранду фаъолони ҷомеаи шаҳрвандӣ аз сӯӣ ҳукуматдорон таҳдид мешаванд, Шумо метавонед, номи демократӣ дошта бошед, на асли онро!”

Мӯҳр

Хабарҳои монанд:

Абдулло

Тарчумаи нодуруст! Аз ин агар матни асли мешуд он фахмо буд ба фикрам.

Ҷавоб диҳед Иқтибос Шикоят

Рустам

Дуруст кайд намудааст Обама, чунин холат дар Осиёи Маркази низ вучуд дорад. То гамуран аз вазифа намераванд, ё ки онро мероси карданианд.

Ҷавоб диҳед Иқтибос Шикоят

Ватандуст

Беҳтарин ҳушдор!!!
Вале дар давлатҳои автократи президент мехохад ки то охири умр президент бошад.Боз бадиаш ин ки шарикони президент хам то охири умр бо вай дар хукумат мемонанд ва

Ҷавоб диҳед Иқтибос Шикоят

Ба ЧО

Гоҳе мешунавед, ки бархе аз раҳбарон мегӯянд, ман танҳо нафаре ҳастам, ки метавонад, ин миллатро нигаҳ дорад. Агар ин дуруст бошад, пас он раҳбар воқеан дар сохтани миллати худ шикаст хурдааст”.

Барак Обама

Ҷавоб диҳед Иқтибос Шикоят

Эзоҳ илова кунед