Вохурии Аслов бо Абдулқодир Балуч дар Душанбе
Сироҷиддин Аслов, вазири умури хориҷии Тоҷикистон бо Абдулқодир Балуч, вазири федералӣ оид ба масъалаҳои вилоятҳо ва минтақаҳои марзии Покистон, ки дар доираи як сафар дар шаҳри Душанбе қарор дорад, мулоқот кардааст.
Ба иттилои дафтари матбуоти Вазорати умури хориҷии кишвар, вохурии Аслов бо ҷаноби Балуч рӯзи 30 июл баргузор шуд.
Дар ин вохурӣ масоили марбут ба ҳамкориҳои Тоҷикистону Покистон, аз ҷумла роҳҳои татбиқи тавофуқҳое, ки дар ҷараёни сафари сарвазири Покистон ба Душанбе дар моҳи июни соли равон ҳосил шуд, баррасӣ шудааст.
Инчунин ҷонибҳо атрофи масъалаҳои минтақавӣ ва мавзӯҳои мавриди таваҷҷуҳи тарафайн табодули назар кардаанд.
Бояд гуфт, вазири федералӣ оид ба масъалаҳои вилоятҳо ва минтақаҳои марзии Покистон Абдул Қодир барои иштирок дар ҷаласаи машваратии минтақавӣ барои кишварҳои Осиёи Марказӣ ва Ҷанубӣ ҷиҳати омодагӣ ба Саммити ҷаҳонии башардӯстона дар шаҳри Душанбе қарор дорад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |