Бахшҳо
14 окт 2011 08:52Гузориш

«Мактабҳои кӯҳна»-и асри Айнӣ дар қарни 21

Дар ноҳияи Шурообод 10 мактаб тамоман ба нерӯи барқ таъмин нестанд. Гузашта аз ин, ба иқрори Розиқ Содиқов, мудири шӯъбаи маориф дар ин макотиб ҳатто хатти барқ кашида нашудааст. Аз 54 муассисаи таълимии дар ноҳия фаъолбуда, танҳо 6 мактаб бо нерӯи барқи доимӣ таъминанду бас.

Муддати тулонист, ки хонандагон дигар истифода ва таълими амалӣ аз компютерро надоранд.

Зимистони ин ноҳияи кӯҳистон сарду дароз мебошад. Барои ворастан аз сармо муаллимон ва волидайни хонандагон ранҷи зиёде мекашанд. Ҳукумати ноҳия ва вилоят низ дар ин маврид ҳарчанд кӯмак мерасонанд, аммо бо ҷурми баъзе аз мақомоти марбута кӯмаку маблағҳои ҷудошуда сари вақт намерасад. Барои зимистонгузаронӣ ва омодагӣ ба ин маъракаи муҳим дар соли равон аз ҷониби ҳукумати вилоят ба шӯъбаи маорифи ноҳия 152 ҳазор сомонӣ пешбинӣ шуда буд. Аммо то имрӯз ҳамагӣ 101 ҳазор сомонии он расидааст.  Исломшоҳ Шоев, муовини аввали раиси ноҳия мегӯяд то 10-уми октябр аз ҷониби Раёсати молияи вилояти Хатлон бо сабабҳои номаълум маблағ барои омодагӣ ба зимистонгузаронӣ ба пуррагӣ ҷудо нагаштааст. Ин дар ҳолест, ки президенти ҷумҳурӣ дар як ҷаласаи ҳукуматӣ ба раисони шаҳру навоҳӣ ва вилоятҳо, инчунин ба масъулини давлатӣ супориши қатъӣ дод, то 10-уми октябр дар ҳамаи соҳаҳо, ба хусус мауссисаҳои таълимӣ таъмини зимистонгузарониро ба анҷом расонанд.

Розиқ Содиқов, мудири шӯъбаи маорифи ноҳияи Шурообод мегӯяд: «Дар ҳудуди ноҳияи мо кони ангишт мавҷуд аст ва он пурра фаолият дорад. Дар нақша буд то 160 тонна ангишт ва 1443 метри мукааб ҳезум барои зимистонгузаронии мактабҳо омода намоем. То имрӯз бо истифода аз маблағҳои ҷудошуда, тавонистем 130 тонна ангишт ва 1124 метри муккааб ҳезум харидорӣ ва захира намоем. Агар маблағи пешбинишуда ба пуррагӣ таъмин мегашт, захираи сӯзишворӣ пурра ба анҷом мерасид». Ба гуфтаи мудири маориф, кони ангишти Шурообод дар масофаи беш аз 50 километр дуртар аз ноҳия, дар кӯҳистони мушкилгузар ҷойгир будааст ва бо боридани аввалин барф дигар ба ин мавзеъ расидан номумкин аст.

Гузашта аз ин, бо иллати камбуди маблағ маорифчиён натавонистаанд сӯзишвории дизелӣ (солярка) ва техникӣ харидорӣ ва захира намоянд. Дар ин маврид Амирхон Икромов, шахси аввали ноҳия ҳавола ба дигарон мекунад, дар ҳоле ки ҷанобро зарур аст то аз мақомоти болоӣ барои сари вақт ҷудо намудани ҳаққи ҳалоли сокинони ноҳия бо шумули хонандагону мауссисаҳои тандурустӣ кушиш ба харҷ диҳад. Зеро, барои як кӯдаки хонанда муҳим нест, ки бо айби кӣ ӯ зимистон хунук мехӯрад. Барои ӯ синфхонаи гарм лозим аст.

Мушкили дигари хонандагони шуроободӣ ин камбуд ва ё набудани қувваи барқ ба хусус дар фасли сармо мебошад. Тавре дар боло қайд шуд, аз 54 мактаби фаъол танҳо 6-тоаш бо хатти барқи доимӣ таъминанд. Ба ҳисоби арифметикӣ 48 мактаби дигар бо ҷамъи хонадагонаш аз аввали тирамоҳ тақрибан то анҷоми соли хониш дигар аз он маҳрум мемонанд. Ҷаноби Содиқов мегӯяд, 23 адад генератори барқдиҳанда дар 23 мактаб мавҷуд асту дар ҳолати зарурӣ омодаи коранд. Аммо ба иқрори худи ӯ бо айби камбуди маблағ сӯзишвории дизелӣ захира карда натавонитаанд. Ин дар ҳолест, ки ҳамон генераторҳои «ифтихорӣ» танҳо ба воситаи солярка фаъол шуда метавонанд. Ҳамакнун, сар аз даҳаи охири моҳи сентябр дар ин ноҳияи кӯҳистон интиқоли нерӯи барқ аллакай ба таври меъёр ба роҳ монда шудаасту рӯзона аз соати 10-и саҳар то 17-и бегоҳ (ҳангоми дарсхонии хонандагон) дода намешавад. Воқеан, дар ин кӯҳистон аллакай хунукӣ шудаасту дар синфхонаҳо нишастан низ тоқатфарсо мебошад.

Бояд гуфт, ин иллат хоси танҳо як ноҳия нест. Бегумон, аксари навоҳии Тоҷикистон ба ин мушкил рӯ ба рӯанд, вале ба хотири номаълуме хомӯш мемонанд. Агарчӣ президент Эмомалӣ Раҳмон мунтаззам дар ин бора таъкид мекунанд, вале ҳамоно масъулин аз он нодида мегиранд ва тариқи омор маълумоту гузоришҳои нодуруст ба ҳукумати марказӣ пешниҳод мекунанд. Мисоли оддӣ, ҳамин мушкили Шурообод асту супориши охирини райисиҷумҳур дар ҷаласаи ҳукуматӣ. Боқӣ, қазоват аз шумо аст хонандаи арҷманд.

Аслиддин Достиев, шаҳри Кӯлоб{jathumbnail off}

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)