05 авг 2015 09:57Тоҷикистон / Иҷтимоӣ / Дидгоҳи хос / Тема дня

Пешниҳод: Барои нобиноён ҷойи садақагирӣ сохта шавад

Як хонандаи “Озодагон” пешниҳод кардааст, барои афроди маъюб, ба вижа нобиноён дар ҷойҳои серодам ва масоҷиду беморхонаҳо ҷои махсуси садақагирӣ роҳандозӣ шавад.

Ин хонанда пешниҳоди худро дар пайи нашри хабари “Боздошти 162 гадои ноболиғ: Дар 1 рӯз 300 сомонӣ кор мекунам...” ироа кардааст. Дар ин хабар гуфта мешавад, мақомоти умури дохилии Тоҷикистон дар шаш моҳи аввали соли равон 162 ноболиғро барои талабандагӣ дар хиёбонҳо боздошт кардаанд. Дар пасманзари ин хабар аз гузориши Шабакаи аввали телевизиони Тоҷикистон ёд мешуд, ки аз афзоиши талабандагии ноболиғон дар пойтахт иттилоъ дода мешуд. Савригул, гадодухтари наврас дар кӯчаи Лоҳутӣ дар ин навор мегуфт, даромади рӯзонааш 250-300 сомонӣ мебошад.

Хонандаи торнамои хабаргузории “Озодагон” дар пайи ин рақам навишта, “даромади хуб”. Ӯ, ки номашро ифшо накардааст, мегӯяд, ба дунболи хабар фикри ғалатие ба сараш омадааст: “Мефахмам, ки на ҳама онро қабул мекунанд, аммо ба ҳар ҳол мегӯям”. Ин хонанда меафзояд, дар ҳоле ки маъюбон ва хусусан нобиноён аз корхонаҳошон маҳрум шуда, “кор карда зиндагиашонро пеш бурда наметавонанд, шояд ба онҳо дар назди бозору беморхонаю масоҷид ва ҷойҳои мардумгузар ҷои садақагирӣ ҷудо кунем? Бо навбат баромада, кор кунанд. Ҳар хел мардумфиребонро пеш кунанду инҳоро шинонанд”.

Ин дар ҳолест, ки Маҳмадсаид Убайдуллоев, раиси шаҳри Душанбе рӯзи сеюми август дар ҷаласаи шаҳрдорӣ аз талабандагӣ дар кӯчаву роҳҳои нақлиётии шаҳри Душанбе изҳори нигаронӣ карда, аз масъулини Раёсати умури дохилии пойтахт хост, ҷилави ин равандро бигирад.

Мӯҳр

Хабарҳои монанд:

Бародар

Ба фикрам хамин муаллиф худаш низ дар хунаш гадои хаст бо хамин пешниходаш! Суратхисоб кушоянд ба хамаи маъюбон, ва вакти мохонагири шахрвандони хамон махалхо хисобчихо аз онхо мувофики хосташон маблаги ночиз хам шавад гирифта гузаронад ба хисобчи ва кормандон хайрашон сари вакт мерасад дигар аз корхои кардаашон назди худованд наметарсанд

Ҷавоб диҳед Иқтибос Шикоят

ец

Пеш аз як чизро пешниход кардан андеша кардан лозим аст. Оё хамин пешниход амалишаванда аст? Пагох хама худро кур гуфта рафта хамон чо мешинад? Ки тафтиш мекунад, ки кадоми аз онхо кури хакики асту кадомаш не? Чи хел назорат мекуни ки кадомаш чанд соат он чо нишаст? Шлагбаум мегузори? Магар хубтар нест, ки давлат ба курхо нафакаи баланд таъин кунаду он бечорахао ба гадои машгул нашаванд?е

Ҷавоб диҳед Иқтибос Шикоят

саид

Хукумат ин хама проблемаро бар души мардум гузорад пас вазифаи хукумат чист факат андозбанди.

Ҷавоб диҳед Иқтибос Шикоят

Душанбеги

Бо пешниходи таъсис додани чойхои махсус барои садакагирандагон катъиян набояд рози шуд. Рохи расидан ба ин максад - дар сар то сари кишвар аз чониби чомеа, хамаи сатххои идораи давлатию хукумати ва уламою масочид пурра ичро кардани Конуни ЧТ "Дар бораи эхсонкори" мебошад. Дар ЧТ шумораи зиеди ташкилотхои гайрихукумати вучуд доранд, ки фаъолияти асосии ойинномавиашон кумакрасони ба табакахои камбизоати ахоли мебошад. Хамин ташкилотхо зимни хамкории зич бо сохторхои хукуматии хифзи ичтимои, кумитаи ваъиятхои фавкулодда, кумитахои махаллахо бояд маводи хайрияро аз шахрвандону идорахою корхонахою масчидхо чамъ карда ба ашхоси ниезманд бевосита (унвони) дастрас намоянд. Рохи назорат аз болои чунин фаъолияти ташкилотхои гайрихукумати хаст - назорати ичрои фаъолияти оинномавии онхо аз чониби вазорати адлия ва Шурои чамъиятии ЧТ.
Ташкил кардани чойхои махсус барои гадохо - барои хар як точикистони шармандагист.

Ҷавоб диҳед Иқтибос Шикоят

Эзоҳ илова кунед