13 авг 2015 10:12Тоҷикистон / Тема дня

Даъвати гузоришгари вижаи СММ аз Тоҷикистон: Кодекси нави обро қабул кунед

Лео Хеллер, гузоришгари вижаи Созмони миллали муттаҳид аснои як сафар ба Тоҷикистон аз дастрасӣ ба оби ошомиданӣ ва вазъи беҳдошт изҳори нигаронӣ карда, аз ҳукумат хостааст, барои мардум дар се замина шароитҳои хубтаре фароҳам биёварад.

Хеллер баъд аз анҷоми боздид дар гузорише Тоҷикистонро дорои захираҳои зиёди об дониста, таъкид мекунад, ҳукумат бояд бо фароҳам кардани дастрасӣ ба об ва беҳбуд бахшидан ба вазъи санитарияву гигиена пешгом бошад.

Ин намояндаи СММ дар гузориши худ аз ҷумла гуфтааст: “Камбуди об дар манотиқи дурдаст мунҷар ба густариш ёфтани бемориҳои домана ва тиф шудааст. Мушкилиҳо дар масоили об, беҳдошт ва гигиена ҳанӯз дар муассисаҳо боқӣ мондааст, ки сабаби душвориҳо дар пешгирӣ кардани сироят дар беморхонаҳо ва мактабҳо мешавад. Тоҷикистон бояд аз масъулиятҳои худ дар мубориза бо мушкилиҳои об ва санитария канорагирӣ накунад. Ҳукумат бояд дар фароҳам кардани хадамоти об барои қишри камбизоат ва осебпазир кафолат диҳад”.

Лео Хеллер дар идома аз парлумони Тоҷикистон даъват кардааст, бо қабули кодекси нави об, “ҳуқуқи инсонро ба обу беҳдошт таъмин кунад”.

Дар гузориш ҳамчунин таъкид мешавад, дар манотиқи рустоӣ бештар аз 90 дарсади мардум аз ҳоҷатхонаҳои дастсохти кӯчагӣ истифода мекунанд: “Одамоне ки бо онҳо суҳбат кардам, мегуфтанд, баъди он ки ҳоҷатхонаҳо пур мешаванд, онҳоро баста, ҷои дигар аз нав чоҳ мекананд, чун тоза кардани ҳоҷатхонаҳои пуршуда маблағи зиёд талаб мекунад”. Ӯ аз ҳукумати Тоҷикистон даъват карда, дар ин масъала низ бояд таваҷҷуҳ намояд.

Мӯҳр

Хабарҳои монанд:

Обе

Э акаи смм! Дар шахри Душанбе пойтахти оби тоза оби тооа нест, чи расад ба минтакахо. Агар хамин шумо сирхои ин давлатдорони точикро фош накунед худашон сирашонро ба таги курпа мебаранд сирхояшонро. Боз аз мардум барои хамин оби нотоза пули калон мегиранд. Дар холе ки додувой мекунанд ки аз об бой хастем. Хануз як мох нашуда ман аз вадакнал гуфта дар пеши дари хонаат хозиру нозир...

Ҷавоб диҳед Иқтибос Шикоят

saad

ТЕЗ кабул кунед ки хамаи моро об мебарад аммо дар Помир свет 18-дирам аст)))

Ҷавоб диҳед Иқтибос Шикоят

кулябец

Даъвои соли оби тоза чи мешуда бошад? Дар чахон соли оби тоза эълон мекунему худ оби хурдани надорем!!! СММ хама лофу таърифи моро мачак кард!!! Чи кадар таачубовар ва аламнок хаст, ки пайравони дини Исломро тарзи хочатхона сохтану ва гигиенаро меомузанд.

Ҷавоб диҳед Иқтибос Шикоят

Эзоҳ илова кунед