19 авг 2015 13:44Оcиёи Марказӣ / Тоҷикистон

Номаи “Шайх Темур” ба Президент ва тақозои иштироки намояндаи ӯ дар мурофиаҳояш

Саидмаҳдихон Сатторов, маъруф ба “Шайх Темур”, ки аз ҷониби Додгоҳи олии Тоҷикистон 16 сол аз озодӣ маҳрум шуд, ба зинаи болоии ин ниҳод шикояти кассатсионӣ бурдааст.

Мавлудхон Салихов, вакили дифои Саидмаҳдихон Сатторов имрӯз, 19 август бо тасдиқи ин хабар ба “Озодагон” гуфт, бо ирсоли шикояти кассатсионӣ аз Додгоҳи олӣ дархост намудаанд, ҳукми зерҳимояаш аз нав баррасӣ шавад. Ӯ афзуд, ҳоло санаи баргузории мурофияи додгоҳӣ тибқи шикояти кассатсиёнӣ маълум нест. Саидмаҳдихон Сатторов инчунин бо ирсоли як нома аз Эмомалӣ Раҳмон, раисиҷумҳури Тоҷикистон хостори расидагӣ ба қазияаш шудааст. “Дар нома ба президент зерҳимояи ман хоҳиш намудааст, дар мурофиаҳои минбаъда аз дастгоҳи раисиҷумҳури кишвар намоянда иштирок намуда, ҳақиқатро бо чашми худ бубинад”,-илова намуд Салихов.

Додгоҳи олии Тоҷикистон рӯзи 8 июл Саидмаҳдихон Сатторов, маъруф ба “Шайх Темур”-ро дар дузанагӣ, таҳқири ҷасади фавтидаҳо -- несту нобуд ё касиф кардани қабристон, тамаъҷӯӣ ва чанд ҷинояти дигар муҷрим шинохта, барои 16 сол равонаи зиндони низомаш шадид кард. Инчунин, ӯ дар ҳаҷми 1500 нишондиҳанда барои ҳисобҳо ё 60 ҳазор сомонӣ ба фоидаи давлат ҷарима шуд. Қабл аз эълони ҳукм Сатторов дар сухани ниҳоияш аз додгоҳ хоста буд, ӯро сафед ва аз толори мурофиа озод кунад.

Номи “Шайх Темур” баъди он вирди забон шуд, ки Шабакаи аввали телевизиони Тоҷикистон шоми 6 феврали соли ҷорӣ филми мустанадеро бо номи “Ривояти Шайх Темур” намоиш дод. Дар он аз мардумфиребиҳои Сайидмаҳдихон Сатторов, нақл мешуд. Баъдан, Додгоҳи ноҳияи Синои шаҳри Душанбе бо дархости Додситонии кулл ӯро ба ҳабси пешакӣ гирифт ва 9 июни соли равон дар боздоштгоҳи №1-и шаҳри Душанбе мурофиаи додгоҳии ӯ оғоз шуд.

Мӯҳр

Хабарҳои монанд:

саид

Шайхро озод кунед бечора ягон чинояти вазнин надорад

Ҷавоб диҳед Иқтибос Шикоят

ш Душанбе

Саидмаҳдихон Сатторов чаро вакти дар озоди буданат вакти кайфу сафоат ба Президент мактуб накарди , ки ЧАНОБ ак сагерахона мада вобаст кнен ма дастгири кунам .ё инки акчои варзшгохи замонави созам ба хал туфа куна ...чаро нагуфтет ....инкадар сол шумора хукумат надид ..чи шумо фикр мекунед Худованхам надид.....Худат казоват кун .......

Ҷавоб диҳед Иқтибос Шикоят

Фархори

Мухтарам Президент ягон ноами ин Шайхро нахонеду сухнонашро гуш накунед. Агар ин шайх одами хуб мебуд чаро ичозат дод ки занашро шогирдонаш зананд? чаро писаронашро ба мактаб рафтани намемонд? чаро халкро фиреб карада агар гусфанд меовардан як шогирдаш медаромад буз меоварданд дигар шогирдаш медаромад? ГурИ ОДАМОНРО ки хонаи абади хисоб мешавад чаппа карда Ба аташа макбара сохтай. Агар ОЗОДАШ КУНАНД ЭХТИМОЛИ ОН МЕРАВАД КИ ИН ШАЙХРО ДАР БЕРУН ОДАМОНИ ЗАРАРДИДА МЕКУШАНД.

Ҷавоб диҳед Иқтибос Шикоят

Эдик

Агар ҳамаи ин тӯҳмат набошнду рост бошад. Пас ман ба ҷои Президент мешудам боз 16 соли дигар туро аз озоди маҳрум мекардам.

Ҷавоб диҳед Иқтибос Шикоят

Панчакенти

Шайхтемури азиз, дар хакикат Шумо худатонро худатон зери чарие тела кардед. ?.......Саловату каттагие мекардед магар ба худатон аён набуд.??? Инкадар хизматгору шогирду чокару навкар дар гирди Шумо чи мекофтанд? ?????? Дар сархади давлати навбунёди Точикон ба чи корхо машгул будед??? Фикр кардед Амнияти Чумхурии мо кор намекунад? ???.........Ман агар Суд ё пракурор мебудам Шуморо бо хамун дастаатон 20 сол медодам. .......Нав чоятонро ёфтед. ..бовар кунед дааааа. ............. ..Ростгуе аз дехаи хурдакаки Панчакент

Ҷавоб диҳед Иқтибос Шикоят

Хамин шахсоне ки ин муйсафедро тухмат карда говсуд кардаанд магар аз худо наметарсанд? Бовари дорам подоши кардагиашонро хоханд гирифт.

Ҷавоб диҳед Иқтибос Шикоят

Эзоҳ илова кунед