Муҳри оташнишонҳо ба дари Донишкадаи соҳибкорию Маркази кӯдакони Душанбе
Масъулини Сарраёсати хадамоти оташнишонии Вазорати умури дохилии Тоҷикистон дар пайи як санҷиш ба дари биноҳои Донишкадаи соҳибкорӣ ва хизмат, маркази кӯдакон ва наврасони шаҳри Душанбе ва баъзе бозорҳои пойтахт муҳр задаанд.
Тибқи иттилои дафтари матбуоти ВУД, ахиран бинову иншооти ҶСП “Торгмаш”, қаҳвахонаи “Рисолат”, Донишкадаи соҳибкорӣ ва хизмат, маркази кӯдакон ва наврасони шаҳри Душанбе, бозори ҶСП “Тараққиёт” ва бозори хусусии “Бале, ҷавонон” мавриди санҷиши кормандони Сарраёсати хадамоти оташнишонии ин ниҳод қарор гирифтаанд.
Манбаъ мегӯяд, ҳангоми санҷиш дар бинову иншоотҳои муассисаҳои мазкур камбудҳо ошкор шудааст: “Новобаста аз он ки ҳамасола санҷишҳои бехатарӣ аз сӯхтор гузаронида шуда ва чораҳои маъмурӣ андешида шуда бошад ҳам, баҳри ислоҳи камбудиву норасогиҳои ошкоргардида амрномаҳои назорати давлатии бехатарӣ аз сӯхтор бо чорабиниҳои бехатарӣ аз сӯхтор пешниҳод гардида, таи чанд соли охир роҳбарони муассисаҳо бе ислоҳи камбудиҳои ошкоргардида фаъолият мебаранд”.
Дафтари мабуоти ВУД афзудааст, ҳоло муваққатан фаъолият дар бинову иншооти мазкур бо дастури кормандони хадамоти отшанишонӣ қатъ шуда, ба дари онҳо муҳр зада шудааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |