Э.Раҳмон ба И.Каримов: Омодаам ҷидду ҷаҳди худро барои ёрии ҳамдигарӣ истифода барам
Эмомалӣ Раҳмон, раисиҷумҳури Тоҷикистон Ислом Каримов, президенти Узбакистон ва тамоми мардуми ин кишварро ба муносибати солгарди Рӯзи истиқлол табрик кардааст.
Дафтари матбуотии раисиҷумҳури Тоҷикистон мегӯяд, дар номаи Эмомалӣ Раҳмон аз ҷумла омадааст, “Муҳтарам Ислом Абдуғаниевич,
Бо хушҳолии бузург ба Шумо ва ба тамоми мардуми Ӯзбекистон ба муносибати солгарди иди миллии кишваратон - Рӯзи истиқлолият табрикоти самимӣ ва беҳтарин таманниёти худро ирсол медорам. Мардумони моро риштаҳои қавии дӯстӣ ва ҳамсоягии нек муттаҳид намуда, робитаҳои таърихан таркибёфтаи маънавию фарҳангие ба ҳам мепайванданд, ки барои рушди муваффақонаи муколамаи байнидавлатӣ ва ҳамкорӣ заминаи боэътимод бояд бошанд”.
Ба иттилои манбаъ, Эмомалӣ Раҳмон иброз доштааст, ки Тоҷикистон ба рушди бемайлони ҳамкории бисёрҷонибаи миёни Тоҷикистону Ӯзбекистон аҳамияти бузург медиҳад ва барои рушди минбаъда ва пурмуҳтаво намудани мундариҷаи он талош меварзад. Президенти кишвар гуфтааст, дар солҳои охир афзалият пайдо кардани ҷараёни нек дар муносибатҳои дуҷониба барои рушди минбаъдаи ин муносибатҳо заминаи хуб мегузорад: “Бо истифода аз фурсати муносиб, мехостам, қарори қатъии моро барои истифодаи ҳамаи имкониятҳо баҳри рушди минбаъда ва тақвият бахшидан ба муносибатҳои дуҷонибаи мутақобилаи миёни ҳарду давлат таъкид кунам. Омода ҳастам, ки якҷоя бо Шумо ҷидду ҷаҳди ҳарчи бештари худро баҳри устувор кардан ва тақвият бахшидан ба анъанаҳои чандинасраи дӯстии миёни халқҳоямон ва ёрии ҳамдигарӣ истифода барам”.
Манбаъ мегӯяд, Эмомалӣ Раҳмон дар охири номаи худ ба Ислом Каримов иброз доштааст, ки “ба Шумо, муҳтарам Ислом Абдуғаниевич, саломатии қавӣ, саодати зиндагӣ ва муваффақиятҳои нав ба нав дар пешрафти кишвари Ӯзбекистон ва ба халқи дӯсти Ӯзбекистон сулҳу рафоҳат таманно дорам”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |