02 сен 2015 13:30Тоҷикистон / Ҷавонон ва варзиш / Видео / Тема дня

АКСУ ВИДЕО: Тақдими ҷоизаҳои пулӣ ба Дилшод Назаров, Мавзуна Чориева ва Шоира Зулқарнаева

Кумитаи миллии олимпии Тоҷикистон, имрӯз 2 сентябр ба варзишгарони шинохтаи тоҷик -- Дилшод Назаров, Мавзуна Чориева ва Шоира Зулқарнаева ҷоизаҳои молӣ тақдим кард.

Маросими супоридани туҳфаҳо бо иштироки Баҳрулло Раҷабалиев, котиби генералии Кумитаи миллии олимпӣ, Акбар Ғуломов, раиси ҶММ “Ғаюр” – сарпарасти куллии Кумитаи миллии олимпӣ ва рӯзноманигорон ҷараён гирифт.

Ба Дилшод Назаров, ки аз мусобиқаи қаҳрамонии ҷаҳон оид ба гурзандозӣ дар Чин бо медали нуқра баргашт, 10 ҳазор сомонӣ супорида шуд. Мавзуна Чориева ва Шоира Зулқарнаева, барандаҳои медали биринҷии мусобиқаи қаҳрамонии Осиё оид ба муштзанӣ низ туҳфаҳои молӣ гирифтанд.

Баҳрулло Раҷабалиев аснои суханронии худ аз ин се варзишгари тоҷик ситоиш карда, гуфт, кумита ҳамеша барои ҳавасманд кардани варзишгарон талош мекунад. Ба қавли ӯ омодаанд, ки барои фароҳам овардани шароити тамрин дар Бразилия ба Дилшод ва дигар варзишгарон мусоидат кунанд: “Дилшод ба ҳамаи мо нишон дод, ки метавонад дар олимпиада соҳиби медал гардад”.

Акбар Ғуломов, раиси ҶММ “Ғаюр” – сарпарасти кулли Кумитаи миллии олимпии Тоҷикистон низ иброз дошт, омодааст ба варзишгарони болаёқат барои иштирокашон дар мусобиқоти байналхалқӣ кумак расонад.

Дилшод Назаров ба рӯзноманигорон гуфт, дар ҳоли ҳозир дар раддабандии ҷаҳонии гузпартоён баъд аз варзишгари лаҳистонӣ дар зинаи дуюм қарор дорад: “Мусобиқоти ҷаҳонӣ нишон медиҳад, ки дар ҷоий кӣ меистад ва дар зинаи дуву се кӣ”.

Ӯ афзуд, омодагиашро барои мусобиқаҳои ҷаҳонӣ аз моҳи ноябр дар Тоҷикистон ва ё дар Аврупо шурӯъ хоҳад кард. Мавзуна Чориева мегӯяд, варзишгарон кор ё шуғле надоранд, ки ба онҳо даромад биёварад, аз ин сабаб хуб мешавад, ки сарпарастон зиёд бошанду варзишгаронро дастгирӣ намоянд. Ӯ аз сарпарастон хост, танҳо дар поёни мавсими чорсола ва дар арафаи олимпиадаҳо дар фикри варзишгарон набошанд, балки тамоми муддат онҳоро дастгирӣ намоянд.

Мӯҳр

Хабарҳои монанд:

Довуд

Офарин Акбар Гуломов. Фарзанди баруманди миллати точик. Варзишгаронро дастгири мекунад.

Ҷавоб диҳед Иқтибос Шикоят

Vahob

Ofarin va ahsan ba har seyaton. Mo dar Avrupo az shumo fakhr mekunem!

Ҷавоб диҳед Иқтибос Шикоят

Гариб

Озодагон дар танаи М. Чориева формаи официалии Россия, магар дигар сурати Чориева ёфт нашуд? Умуман Чориева он кадар варзишгари бохурмат нест. То хол интерьвюи вай баъди олимпиада дода буд дар едам. Чи кадар бесаводона ва чи кадар бемаданият буд. Бояд ин одам дар бораи имиджи худ фикр кунад.Довуд,

Ҷавоб диҳед Иқтибос Шикоят

Эзоҳ илова кунед