(ВИДЕО) “Истиқлол” дар Малайзия шикаст хӯрд, аммо ба нимфинал баромад
Дастаи “Истиқлол”-и Душанбе, қаҳрамони секаратаи Тоҷикистон дар бозии ҷавобии даври чорякниҳоии мусобиқоти Ҷоми АФК-2015 аз тими “Паҳанг” бо ҳисоби 3:1 мағлуб шуд.
Ин дидор чоршанбеи 16 сентябар дар Куантани Малайзия сурат гирифт. Голи ягонаи дастаи “Истиқлол”-ро Хуршед Маҳмудов зад. Аммо новобаста аз ин шикаст “Истиқлол” ба даври ниманиҳойӣ роҳхат гирифт, чун суммаи ду бозӣ 5:3 ба нафъи футболбозони тоҷик аст. Дар бозии аввали даври чаҳорякниҳоии Ҷоми АФК, ки 26 август дар Тоҷикистон гузашт, “Истиқлол” “Паҳанг”-ро бо ҳисоби бузурги 4:0 шикаст дода буд.
Дар даври ниманиҳойӣ “Истиқлол” бо тими “Кувейт” вориди рақобат мешавад.
“Истиқлол” таҳти роҳбарии сармураббӣ -- Мубин Эргашев дар ҳайати 16 бозигар ба Малайзия рафта буд. Дарвозабонҳо: Никола Стошич, Алишер Туйчиев; Ҳимоятгарон: Сиёвуш Асроров, Петро Ковалчук, Маҳдӣ Чоҳҷӯӣ, Аҳтам Назаров, Ҷаҳонгир Ҷалилов, Эраҷ Раҷабов, Нимҳимоятгарон: Нуриддин Давронов, Хуршед Маҳмудов, Фатҳулло Фатҳуллоев, Парвизҷон Умарбоев, Ромиш Ҷалилов, Дилшод Восиев; Ҳамлагарон: Бледа Родригес, Манучеҳр Ҷалилов.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |