28 сен 2015 10:58Тоҷикистон / Иқтисодӣ

Э.Раҳмон дар бораи фоидаи обанборҳо, стратегияи нав ва ҳодисаҳои ғайриоддӣ

Эмомалӣ Раҳмон, раисиҷумҳури Тоҷикистон дар ҳамоиш зери унвони "Ба хотири ҳифзи сайёраи мо ва дар ҷодаи мубориза бо тағйирёбии иқлим" дар шаҳри Ню-Йорк аз фоидаи обанборҳо, гармшавии ҳаво, тақсими нобаробари об суҳбат карда, хостори таҳияи стратегияи нав алайҳи тағйири иқлим дар Осиёи Марказӣ шудааст.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон зимни ин ҳамоиш изҳор доштааст, ки тайи 60 соли охир ба ҳисоби миёна ҳарорати солонаи ҳаво дар Тоҷикистон ба андозаи 1 дараҷа аз рӯи Селсия баланд шудааст: “Теъдоди рӯзҳои сербориш зиёд гардидааст ва ҳодисаҳои ғайриодии гидрометеорологӣ бештару шадидтар рух медиҳанд. Фақат ба иллати офатҳои табиии имсола ба иқтисоди кишвари мо ба андозаи садҳо миллион доллари амрикоӣ ҳисороти моддӣ расид. Мутаассифона, онҳо ба талафоти ҷонӣ низ боис шуданд”.

Эмомалӣ Раҳмон илова кардааст, ки аз рӯи маълумоти мавҷуда, ба иллати тағйироти иқлим дар ҳудуди кишвари мо то як ҳазор пирях нобуд шудааст: “Кишварҳои минтақа захираҳои обро чун унсури асосии рушди устувор эътироф намуда, тағйири даври гидрологиро бо эҳсоси нигаронӣ арзёбӣ менамоянд, зеро он ба амнияти обӣ, энергетикӣ ва озуқаворӣ таъсири манфӣ расонида, эҳтимоли обхезиҳо ва хушксолиҳои шадидро афзун мегардонад”.

Раисиҷумҳури Тоҷикистон инчунин таъкид намудааст, ки ба кишвари мо ҳамагӣ се дарсади партовҳои минтақа рост меоянд: “Тоҷикистон аз рӯи партовҳои қиёсии гази карбонат ҷои 135-умро ишғол менамояд. Партовҳои газ дар Тоҷикистон дар як сол андаке бештар аз як тоннаро ба сари одам ташкил дода, ҳиссаи партовҳои дахлдори кишвар дар миқёси минтақа ҳамагӣ тақрибан ба 3 фоиз баробар аст”.

Эмомалӣ Раҳмон яке аз роҳҳои ҳалли ҷилавгирӣ аз тағйирёбии иқлимро истифодаи манбаъҳои таҷдидшавандаи нерӯ, асосан гидроэнергетика, арзёбӣ карда, иттилоъ додааст, ки нерӯгоҳҳои барқи обӣ тақрибан 98 фоизи нерӯи барқи Тоҷикистонро тавлид мекунанд.

Раисиҷумҳур инчунин таъкид намудааст, ки ббанборҳои нерӯгоҳҳо дар навбати худ, дар баробари таъмини танзими боэътимоди бисёрсола ва мавсимии ҷараёни об, ба пешгирии обхезиҳо ва сабуксозии оқибатҳои хушксолӣ мусоидат мекунанд.

Эмомалӣ Раҳмон хотиррасон кардааст, ки дар Осиёи Марказӣ, ки захираҳои об дар ҳудуди ду кишвар ташаккул меёбанду қисми зиёди истеъмолу истифодаи об ба кишварҳои боқимондаи дигар рост меояд, зарурати таҳияву татбиқи стратегияи минтақавии маҷмӯӣ оид ба мутобиқсозӣ ба тағйири иқлим кайҳо ба миён омадааст: “Стратегияи зикршуда бояд тадбирҳои мутобиқсозиеро фаро гирад, ки дар дурнамои миёна ва дарозмуҳлат ба таъмини амнияти минтақа дар арсаи об мусоидат намоянд”.

Раисиҷумҳур инчунин дар умури мубориза алайҳи тағйирёбии иқлим умед ба кӯмаки молии ҷомеаи ҷаҳонӣ кардааст: “Бо таваҷҷуҳ ба ин ҳолатҳо, изҳори умед мекунем, ки василаҳои нави молиявӣ – Хазинаи иқлимии сармоягузорӣ ва Хазинаи сабзи иқлимӣ – дар ҷодаи амалӣ сохтани чораҳои нақшавӣ ба мо кумаки саривақтию зарурӣ хоҳанд расонид”.

Ин изҳороти раисиҷумҳури Тоҷикистон дар ҳолеянд, ки Абдулазиз Комилов, вазири умури хориҷии Узбакистон 25 сентябр зимни суханронияш аз минбари Созмони Милали Муттаҳид дар шаҳри Ню-Йорк алайҳи бунёди нерӯгоҳҳои бузург дар ҳавзаи дарёҳои Аму ва Сир баромад кардааст.

Расонаҳои Узбакистон дар пайи нашри ин хабар зикр мекунанд, ки Тошканд алайҳи бунёди нерӯгоҳи “Роғун” дар Тоҷикистон ва Қамбарота дар Қирғизистон баромад мекунад.

Мӯҳр

Хабарҳои монанд:

Tojik

Бовари дорем, ки пешвои точикони сайёра муваффак хоханд гашт.

Ҷавоб диҳед Иқтибос Шикоят

КУЛОБ

РАХМАТ БА ПАДАРУ МОДАРАТ ДАР НАЗАРМ АЙ ХАМА МАРДИ ХАМГОРУ БОВАФО БАРОИ МО ШУМОЕН ЭМОМАЛИ РАХМОНОВ МАЙЛАШ КАСИ ЧИЗЕ БУГА НАГА ЛЕКИН ХАЛК МЕДОНА КИ КАСЕ БАР ЗИДИ ШУМО ГАП МЕЗАНА ДАР БАРАКАТИ ДАВЛАТДОРИИ ШУМО ОСУДА НАМЕМОНА ШУКРОНА КУНЕН ИМРУЗ ХУДОВАНД ДАР БАРАКАТИ ДАВЛАТДОРИИ ХАМИ МАРДАК МОРА ФАЙЗУ БАРАКАТ ДОДАЙ БОЗ АЙ КУЧО МЕДОНЕН КИ ИХЕЛ ШОХ БА МО ХУДОВАНД МЕТИЯ Ё НЕ МО БО АХЛУ ОИЛА ЭМОМАЛИ РАХМОНА ХУРМАТУ ЭХТИРОМ МЕКУНЕМ ДУСТ МЕДОРЕМ ХИС МЕКУНУМ КИ БАРОИ ХАМИН ХУДОВАНД БА МО ФАЙЗУ БАРАКАТ ДОДАЙ БАРОИ ОН КИ АЙ ДИЛИ ХАР БАНДА ХУДОВАНД ХУДАШ БОХАБАРАЙ ХУДОИ МЕХРУБОНИ МАН НИГАХБОНАТ БОША ЭМОМАЛИЧОН

Ҷавоб диҳед Иқтибос Шикоят

Чалолиддин

Рахмат ба Шумо Чаноби Оли, Рогунро бо тамоми восита бояд сохт. Изхороти вазири узбак набояд моро рухафтода намояд.

Ҷавоб диҳед Иқтибос Шикоят

точикистон

Мулки ту кунун дар камари куху Бихишт аст,
Ончо ки макони дили озода сиришт аст.
Ту зиндаву поянда бимон, то ки замон аст,
Номи Ту ба таърих Худованд навиштаст.

Имруз бувад чойи ту дар дидаву дилхо,
Дар синаи мойи, Ту – оби сафойи.
Ту сулху вафойи,
Ту нури, ки андар барии Хуршеди самойи.

Ту Рахкушойи, Ту Рахнамойи!...

Ҷавоб диҳед Иқтибос Шикоят

Эзоҳ илова кунед