Эълони Туркия барои пардохти роҳкирои сайёҳони тоҷик
Вазорати фарҳанг ва саёҳии Туркия эълон кардааст, ки қисме аз хароҷоти интиқоли сайёҳон аз Тоҷикистон ва 12 кишвари дигарро ба шаҳрҳои Туркия пардохт хоҳад кард.
Тибқи иттилоияи Вазорати фарҳанг ва сайёҳӣ ҳаҷми пардохт барои ҳар ҳавопаймо, ки бо сайёҳон аз Тоҷикистон, Эрон, Русия, Украина, Арманистон, Белорусия, Гурҷистон, Қазоқистон, Қирғизистон, Туркманистон, Узбакистон, Озарбойҷон ва Молдова вориди ин кишвар мешавад, 6 ҳазор доллари амрикоӣ пардохт хоҳад шуд.
Ин иқдоми мақомоти Туркия то 30 ноябр давом дошта, аз ширкатҳои сайёҳӣ даъват шудааст, ки барои истифода аз ин имтиёз шитоб кунанд: “Ширкатҳои сайёҳие, ки бо парвозҳои чартерӣ ҳадди ақал 100 сайёҳро вориди Туркия мекунанд, имкони истифода аз ин иқдомро доранд”-таъкид намудааст Вазорати фарҳанг ва сайёҳии ин кишвар.
Гуфта мешавад, ки маблағ дар фурудгоҳҳои Анталия, Алания, Даламан, Бодрум, Измир пардохт хоҳад шуд.
Мақомоти Туркия ҳадаф аз ин иқдомашонро ҷалби бештари сайёҳон арзёбӣ мекунанд, чун тайи семоҳаи дуюми соли равон даромади ин кишвар аз соҳаи сайёҳӣ 13,8 дарсад коҳиш ёфта, ба 7,733 миллиард доллари амрикоӣ баробар шудааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |