Озмуни шаҳрдорӣ барои беҳтарин сурудаҳо дар васфи Парчами давлатӣ
Шаҳрдории Душанбе барои дарёфти беҳтарин тарона дар васфи Парчами давлатӣ озмун эълон кардааст. Тавре аз дафтари матбуоти раиси шаҳр ба “Озодагон” иттилоъ додаанд, ин тасмим дар ҷаласаи кории шаҳрдорӣ эълон шуд, ки имрӯз, 28 сентябр бо раҳбарии Маҳмадсаид Убайдуллоев сурат пазируфт.
Ба иттилои манбаъ, таҷлили Рӯзи Парчами давлатӣ дар Наврӯзгоҳи пойтахт баргузор шуда, “ба ин муносибат барои дарёфти беҳтарин сурудаҳо дар васфу таҷассуми Парчами давлатӣ миёни сарояндагон озмун эълон мешавад”.
Дафтари матбуоти раиси шаҳр меафзояд, дар ҷаласаи имрӯз инчунин бо назардошти фарорасии фасли боришот “таваҷҷуҳи масъулини соҳа ва раисони ноҳияҳо ба вусъати корҳои ҷараёндоштаи сохтмон, азнавсозӣ ва таъмири роҳҳои асосию дохили шаҳраку маҳаллагузар, инчунин дар ҳолати хуб нигоҳ доштани наҳру селпартоҳои марзгузари шаҳр, омодасозии техникаҳои коммуналии мавҷуда ва харидории техникаҳои иловагӣ барои мавсими зимистонгузаронӣ, ғановати бозори истеъмолӣ, амалисозии барномаҳои шаҳрдорӣ оид ба таъсиси ҷойҳои нави корӣ, хизматрасонию ҳаракати бонизоми нақлиёти мусофиркашонии ҷамъиятӣ, тайёрии ҳамаҷониба ба иҷлосияи навбатии Маҷлиси вакилони халқи шаҳри Душанбе, баланд бардоштани интизоми меҳнат дар ташкилоту идораҳои зертавозун ва ҳолати зиддисӯхтории бинову иншоотҳо ҷалб карда шуд”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |