АКС: Амрико бо посдорони сулҳи Тоҷикистон мошинҳои 200 ҳазор долларӣ дод
Иёлоти муттаҳидаи Амрико барои Баталиони посдори сулҳи қушунҳои зудамали Вазорати мудофиаи Тоҷикистон 5 ҷипи низомии тамғаи J-8 тақдим намуд, ки арзиши умумиашон 1 миллион доллари амрикоиро ташкил медиҳад.
Лесли Ҳейдн, иҷрокунандаи муваққатии вазифаи сафири ИМА дар Тоҷикистон, имрӯз, 6 ноябр ҳангоми тақдими мошинҳо дар қисми низомии 1209-и баталиони посдори сулҳ изҳор дошт, ки аз соли 2009 то ҳол Амрико барои муҷаҳҳаз гардондани баталиони мазкур ва баланд бардоштани хизматчиёни он дар ҳаҷми беш аз 6,5 миллион доллар кӯмак кардааст. Ӯ таъкид намуд, ки кишвараш минбаъд низ кӯмаки худро дар ин самт идома хоҳад дод.
Лесли Ҳейдн инчунин барои бунёди тамрингоҳи низомии посдорони сулҳ санги асос гузошта, як синфхонаи муҷаҳҳаз бо маводи таълимии муосирро тақдим кард.
Генерал Миралӣ Раҳматзода, масъули Вазорати мудофиаи Тоҷикистон, ки дар ин маросим ҳузур дошт, таъкид намуд, ки баталиони посдори сулҳ ба тамрингоҳ хеле ниёз дошт: “Қаблан мо барои тамрин ҳудуди 50 километр аз шаҳри Душанбе берун рафта дар минтақаи Фахробод тамрин мекардем. Акнун бо бунёди ин тамрингоҳ мо метавонем дар дохили баталион тамринҳо гузаронем. Барои машқгоҳ рафтан ҳам вақт сарф намешавад ва ҳам аз нигоҳи молӣ низ муфид мешавад”.
Тақдими 5 худрави низомӣ , ки арзишашон як миллион долларо ташкил медиҳад, дар ҳолест, ки моҳи июли соли ҷорӣ сафорати Амрико ба КДАМТ, Вазорати корҳои дохилӣ ва Агентии назорати маводи нашъаовари назди Президент 87 худрави тамғаи “Тайота” тақдим карда буд.
Сюзан Эллиотт, собиқ сафири ИМА дар Тоҷикистон ҳадафи кумаки мазкурро таъмини субот дар марз бо Афғонистон, пешгирии гардиши ғайриқонунии маводи мухаддир ва ҷиноятҳои муташаккилона арзёбӣ карда гуфт, “ИМА уҳдадор аст, ҷиҳати беҳтар намудани иқтидори мақомоти ҳифзи ҳуқуқ дар мубориза алайҳи терроризм, экстремизм ва дигар зуҳуроти номатлуб дар Тоҷикистон кӯмак расонад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |