Боздошти фолбин- “оперативник” дар Душанбе
Раёсати умури дохилии Душанбе аз боздошти фолбини 58-сола хабар дод, ки ба ивази маблағ ба сокинони пойтахт анҷом додани корҳоеро ваъда мекардааст, ки дар салоҳияти пулис мебошанд.
Ба иттилои манбаъ муттаҳам Людмила Шмакова, сокини пойтахт аз мизоҷонаш маблағ гирифта, ваъда медодааст, ки бо сеҳру ҷоду ашёҳои гумшуда ё дуздидашудаи онҳоро пайдо мекунад.
Мақомоти умури дохилӣ дар қатори ҷабрдидаҳо Ғаффурова Марҷона, сокини 29-солаи ноҳияи Шоҳмансурро ном бурданд, ки Шмакова барои пайдо кардани ҷавоҳироти гумшудааш аз ӯ 600 сомонӣ гирифтааст. Мизоҷи дигари фолбин Қурбонов Ҷамшед, сокини 27-солаи Душанбе мебошад, ки моҳи октбяри соли равон барои пайдо намудани ҷавоҳироти гумшудаи ҳамсараш ба Людмила 700 сомониро пардохт кардааст.
Ба иттилои мақомот Шмакова дар пайи гирифтани маблағ, барои пайдо намудани ҷавоҳирот коре накардааст: “Феълан тафтиши парванда ба иттиҳоми қаллобӣ алайҳи Шмакова идома дорад”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |