Қарори нави Бонки Миллӣ: Долларро супору манбаашро нагӯ...
Бонки миллии Тоҷикистон барои ҷалби сармояи дохилӣ ба иқтисодиёти ҷумҳурӣ ва маҳдуд кардани гардиши ғайрирасмии асъори хориҷӣ дастури навро содир кардааст, ки аз 4 банд иборат мебошад.
Тавре аз ин ниҳод ба “Озодагон” иттилоъ доданд, тибқи банди аввали дастури нав шахсони воқеӣ минбаъд метавонанд асъори нақди хориҷиро ба суратҳисобҳои бонкиашон бе маҳдудияти ҳаҷми маблағ ва бе пешниҳоди ҳуҷҷатҳои тасдиқкунандаи манбаи пайдоиши маблағҳо, ворид намоянд: “Дуюм ташкилотҳои қарзӣ вазифадоранд асъори нақди хориҷии барои пур кардани суратҳисобҳои бонкӣ пешниҳодкардаи шахсони воқеиро, бе маҳдудият, бо риояи талаботҳои муқарраркардаи санадҳои меъёрии ҳуқуқӣ, қабул намоянд”.
Ин ниҳод тамоми ташкилотҳои қарзиро вазифадор намудааст, ки тартиби нави ба суратҳисоби бонкӣ ворид кардани асъори нақди хориҷиро ба кормандони мутасаддии муассисаҳои зертобеъ ва муштариён-моликони суратҳисобҳои бонкӣ расонида, риояи ҳатмии онро таъмин намоянд.
Бонки миллӣ инчунин талаботи дастурҳои худ таҳти №082-370/826 аз 09 июни соли 2014, №082-289/1212 аз 21 апрели соли 2015-ро, ҳангоми аз ҷониби шахсони воқеӣ ба суратҳисоби бонкӣ ворид кардани асъори нақди хориҷӣ, аз эътибор соқит кардааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |