Посухи ВКД ба ҳамсари норозии Буриев, полковники кушташуда дар амалиёт алайҳи Ҳоҷӣ Ҳалим
Рано Ахмедова дар суҳбат бо ВАО аз он изҳори норозигӣ кард, ки ӯро ба тамрини мулоқоти президенти Тоҷикистон бо наздикони қурбоншудаҳо дар амалиёт алайҳи Ҳоҷӣ Ҳалим даъват кардаанд, аммо ба худи мулоқот роҳ надодаанд. Инчунин Ахмедова изҳор доштааст, аз кӯмаки моддие, ки ҳукумати Тоҷикистон ба наздикони қурбоншудагон ироа кардааст, бархӯрдор нашудааст. Ӯ ҳамчунин аз он интиқод намудааст, ки вақти интиқоли Буриев ба сардхона касе дар баробари гирифтани телефон пойпӯшҳои ӯро низ кашида гирифтааст.
Вазорати умури дохилӣ имрӯз, 14 ноябр бо пахши як иттилоия дар посух ба иддаои Ахмедова изҳор доштааст, ки “сару либос, телефон ва дигар ашёи марҳум Дмитрий Буриев тибқи тартиби муқарраргардида, барои муоина ва пешбурди парвандаи ҷиноятӣ аз ҷониби Прокуратураи ҳарбӣ дар пакети махсус гирифта шудааст”.
Ин ниҳод афзудааст, ки марҳум Дмитрий Буриев моҳҳои охир бо ҳамсараш зиндагии якҷоя накардааст ва тайи се рӯз касе ба суроғи ҷасадаш, ки дар сардхон буд, наомадааст: “Бояд қайд кард, ки Дмитрий Буриев аз моҳи апрели соли ҷорӣ то замони марг дар утоқи кориаш, дар қароргоҳи Дастаи таъиноти махсуси милитсия зиндагӣ мекард ва ӯ бо ҳамсараш Рано Ахмедова зиндагии якҷоя надоштанд. Сару либос ва дигар ашёҳои лозимии Буриев Дмитрий дар утоқи кориаш нигоҳ дошта мешуд”.
Вазорати умури дохилӣ таъкид кардааст, “тайи се рӯз, ки ҷасади марҳум Буриев дар сардхона меистод, оиди гирифта, гӯрондани ӯ ягон нафар муроҷиат накардааст. Тамоми хароҷоти маросими гӯронидани Дмитрий Буриевро Вазорати корҳои дохилӣ ба зимма гирифта, бо иштироки роҳбарияти Вазорат, ҳайати шахсии мақомот ва дигар дӯстону рафиқонаш, марҳум пас аз маросими видоъ ва арҷгузорӣ, дафн карда шуд”.
Дмитрий Буриев, сардори ситоди “ОМОН”-и Тоҷикистон аз нахустин қурбониёни амалиёт алайҳи гуруҳи Ҳоҷӣ Ҳалим буд, ки субҳи 4 сентябр дар гардиши фурудгоҳ ба ҳалокат расид.
Акс аз сомонаи Азия Плюс Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
