Вазири додгустарӣ: Занҷонӣ додгоҳро масхара мекунад
Мустафо Пурмуҳаммадӣ, вазири додгустарии Эрон, вуҷуди миллиардҳо еврои Бобак Занҷонӣ, тоҷири боздоштшудаи ин кишварро дурӯғгӯӣ хонд. Ин мақоми эронӣ дар 21 -умин намоишгоҳи матбуот ҳангоми посух ба ин пурсиш, ки Бобак Занҷонӣ иддао мекунад дар ҳоли ҳозир 22 миллиард евро дар ҳисоби бонкиаш дар хориҷ дорад, гуфтааст: “Ончи медонем ин як дурӯғи бузург аст ва чунин афроде ҷасорат мекунанд ва мардумро ба масхара мегиранд, аммо додгоҳ ҳушёр аст.”
Пурмуҳаммадӣ афзудааст, ки “ин оқо додгоҳро майдони масхарабозӣ фаҳмидааст. Пули мамлакат ба тороҷ рафта, вале ҷои он ки ӯ ва атрофиёнаш посух диҳанд чаро пулҳоро бурда ва хурдаанд, ҳоло мехоҳанд моро ба бозӣ дароваранд”.
Вазири додгустарии Эрон таъкид кардааст, ки ба ҷои ин ки мардумро бо ин ҳарфҳо даргир кунем, вакили Бобак Занҷонӣ бояд ҷавоб бидиҳад, ки пулҳо куҷо шуданд: “Ин ки пул ва дороиҳои зиёд дорад ё на, ба мо рабте надорад. Мо мехоҳем он чи ки аз байтулмол рафта боз гардад. Давлат замин, сохтмон ва мошини зиёд дорад. Амволи шахсии Бобак Занҷонӣ пешкаши худаш. Пули давлат ва байтулмол рафтааст ва ӯ бояд ин пулро баргардонад”.
Бобак Занҷонӣ, миллиардери боздоштшудаи эронӣ то ҳол дар мурофиаҳои додгоҳӣ гуфта буд, ки дар Тоҷикистон дастгоҳи пурқуввати электронии сабти гуфтугӯҳоро дорад, ки пулиси тоҷик аз он истифода мебарад. Ӯ дар ин мурофиа гуфта буд, ки дастгоҳи мазкур серверҳои нерӯманди зеризаминӣ дошта, тавони сабти муколамаҳоро дорад. Инчунин ҳушдор дод, ки агар зарур ояд, муколамоти мақомоти эрониро фош хоҳад кард. Аммо, мақомоти Тоҷикистон ин иддаои Занҷониро рад карданд.
Баъдан, ин миллиардери эронӣ дар мурофиа 2 ноябр иддао кард дар Тоҷикистон “Ситӣ Сентр” дорад, ки метавонад ба ивази қарзҳояш ба ширкати нафтии “НК” диҳад. Аммо Ғуломҳусайн Содиқӣ, вакили мудофеи ширкати нафтии “HK”, ки Бобак Занҷонӣ аз он 1 милиарду 427 миллиону 500 ҳазор евро қарздор аст, иддаои ӯро рад кардааст. Ин вакили мудофеъ изҳор доштааст, “Ситӣ Сентр”, ки Занҷонӣ иддао карда буд дар Тоҷикистон дорад, “як тикка замини кандашуда аст”.
Бобак Занҷонӣ, ки аз ӯ “дӯст”-и бархе аз мақомдорони тоҷик низ ном бурда мешавад, 30 декабри соли 2013 дар Эрон боздошт ва баъдан ба зиндони Эвини ин кишвар интиқол ёфт. Мақомоти Эрон эълон карданд, Занҷонӣ барои "гум шудан"-и 2 миллиарду 60 миллион евро пули марбут ба Вазорати нафт, ки шахси воқеӣ набояд онро дар ҳисоби худ дошта бошад ва аз он барои сармоягузорӣ истифода кунад, муттаҳам мешавад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |