Кафолати раиси Сено: Тоҷикистон аз хоки Афғонистон осеб нахоҳад дид
Фазл Ҳодӣ Муслимёр, раиси маҷлиси Сенои Афғонистон бо Шарофиддин Имомов сафири Тоҷикистон мулоқот кард.
Тибқи иттилои манобеи “Озодагон” дар ин дидор Имомов бар густариши равобити ду кишвар таъкид кард ва Афғонистонро наздиктарин ва боэътимодтарин ҳамсояи Тоҷикистон хонд. Сафири Тоҷикистон изҳор доштааст, ки Тоҷикистон ду сол пеш талош кардааст, то Русияро мутақоид кунад, ки ба Афғонистон болгардҳои низомӣ ва силоҳҳои сангин бидиҳад.
Муслимёр зимни қадрдонӣ аз ҳамкориҳои неки Тоҷикистон дар давраҳои мухталиф изҳор дошт: “Афғонистон дар густариши равобити худ бо кишварҳои ҳамсоя, ба вижа Тоҷикистон аҳамияти фаровон қоил аст ва итминон медиҳад, ки аз хоки Афғонистон ҳаргиз Тоҷикистон осебе нахоҳад дид”.
Раиси маҷлиси Сенои Афғонистон ҳамчунин хоҳони тавсеаи равобити тиҷорӣ, осонӣ дар судури раводид ба тоҷирону беморон, таҳкими муборизаи муштарак алайҳи тероризм ва қочоқи маводи мухаддир шуд.
Ин мулоқоту изҳорот дар ҳолеянд, ки Ҳикмат Халил Карзай , муовини вазири умури хориҷии Афғонистон 15 ноябр зимни як ҳамоиш дар Кобул аз ҳузури ҷангиён дар марз бо Тоҷикистон хабар дода, афзудааст, ки танҳо дар амалиёти моҳи сентябр дар Қундуз беш аз 1300 ҷангии хориҷӣ аз Покистон, Тоҷикистон, Чин ва кишварҳои дигар иштирок кардаанд.
Ноиби вазири умури хориҷӣ гуфтааст, ҷангиёни мазкур ба гурӯҳҳои Ал-Қоида, “Давлати исломӣ”, Ҳаракати исломии Узбакистон ва ғайра марбут мебошанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |