Тирпаронии пулис ҳангоми боздошти ҷавони тоҷик: Шариконаш моро иҳота карданд...
Мақомоти тафтишотии Русия мегӯянд, истифодаи силоҳ аз сӯи пулис ҳангоми боздошти Абдулмаҷид Каримҷонов, шаҳрванди 24 солаи Тоҷикистон дар қаҳвахонаи “Персия”-и Қазонро мавриди санҷиш қарор медиҳанд.
Тибқи иттилоияи мақомоти умури дохилии Русия кормандони пулис ҳангоми боздошти Каримҷонов дар иҳотаи шарикони ӯ мондаанд ва барои халосӣ ба ҳаво тир холӣ кардаанд.
Мақомоти дохилии Русия ин ҷавони тоҷикро дар роҳзанӣ ва акнун дар муқобилият алайҳи кормандони мақомоти қудратӣ муттаҳам мекунанд: “Каримҷонов шиносашро, ки аз ӯ дар кӯчаи Агрономии Қазон манзил ба иҷора мегирифтаасту 31 октябри соли равон барои маблағи иҷора омадааст, бо корд маҷруҳ намуда, 10 ҳазор рублашро низ гирифта, аз ҷои ҳодиса ғайб задааст”.
Мақомоти умури дохилии Русия мегӯянд, соати 1-и шаби 1 ноябр баъди дарёфти иттилоъ, ки Каримҷонов бо ҳамроҳии шариконаш дар қаҳвахонаи “Персия” дар кӯчаи Зоргеи Қазон қарор дорад, барои боздошташ маъмурини пулис равон шудаанд: “Аммо ҳангоми боздошт ӯ муқобилият нишон дода, ба маъмурини пулис зарба задааст. Баъди он, ки кормандони пулис ӯро боздошт карда, берун баровардаанд, дар иҳотаи 15 шарикаш мондаанд, ки талоши халосии ӯро кардаанд. Танҳо баъди тирпаронӣ ба ҳаво шариконаш фирор намудаанд”.
Ин иттилоъ дар ҳолест, ки ба гуфтаи Кумитаи тафтишотии Русия маъмурини пулис дар либоси мулкӣ қарор доштаанд. Манбаъ мегӯяд, феълан Каримҷонов дар ҳабси хонагӣ қарор дошта тафтиши ҳодиса идома дорад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |